UPNren Kontseilu Politikoak ez du onartu alderdiaren izena euskaraz ere jartzeko proposamena
UPNren Kontseilu Politikoak bilera egin du gaur goizean Iruñean ponentzia estaturario, programatiko eta politikoei aurkeztutako zuzenketa partzialen inguruan eztabaidatzeko, eta bi militantek ekarpenak egiteko garaian aurkeztu zituzten euskararen inguruko bi zuzenketa atzera botatzea erabaki du.
Diario de Noticias de Navarra egunkariak argitaratutako informazioaren arabera, erabakia bi arrazoirengatik hartu dute: batetik, ez delako ohikoa Nafarroako alderdi politikoek izena gaztelaniaz eta euskaraz izatea, eta, bestetik, Kontseilu Politikoak uste duelako izen berria ez litzatekeela euskararen aldeko politikan eraginkorra izango.
Proposamena
UPNko bi afiliatuk zuzenketa bana aurkeztu zioten estatutu proposamenari alderdiaren izena euskaratzeko. Alderdiak euskararekiko sentiberatasun handiagoa izan beharko lukeela esan zuten, boto sozialista eta euskaltzalea erakartzeko, baina arazo bat aurkitu zuten bidean: 'Union' hitza 'Batasuna' da euskaraz, eta alderdi erregionalistak hitz hori erabiliko ez lukeelakoan, alternatibak bilatzeari ekin zioten. Hala, Union del Pueblo Navarro (UPN) alderdiaren izena euskaraz Nafarroako Herriaren Batasuna (NHB) izan beharrean, Lizarrako afiliatu batek Nafar Herriaren Batzea proposatu zuen eta Andosillako beste afiliatu batek Elkarrekin Nafarroaren Herrikora eta Navarrako Herriarentzat Elkarrekin.
Ez da, baina, euskarazko izena jartzea ere onartu.
Kongresua, apirilaren 10etik 12ra
Apirilaren 10etik 12ra bitartean irekiko da UPNko zuzendaritzarako hautagaitzak aurkezteko epea, eta proposamen bakarra dago oraingoz: Cristina Ibarrolak eta Alejandro Toquerok adostutako zerrenda.
Kongresua Iruña Park hotelean egingo da, apirilaren 28an. Zuzendaritza berria aukeratuko da, Batzorde Betearazlea, Kontseilu Politikoa eta beste organo batzuk berrituko dira, hala nola Berme Batzordea eta hauteskunde zerrendak.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.