Bruselak dio Amnistia Legearen azterketa Veneziako Batzordearen irizpenean oinarrituko dela
Europako Parlamentuko Askatasun Zibil, Justizia eta Barne Batzordea Espainiako Amnistia Legea aztertzen ari da ostegun honetan. Legegintzaldiko azkeneko astean izango da batzarra, apirilaren 22an eta 25ean azkeneko osoko bilkurak egin eta ekainaren 6tik 9ra hauteskundeak egin aurretik.
Goizeko saioko lehenengo puntua izan da Amnistia Legeari buruzkoa, eta Marta Cartabia Veneziako Batzordeko presidenteak eta Julien Mousnier Europako Batzordeko Zuzenbide Estaturako, Oinarrizko Eskubideetarako eta Demokraziarako zuzendariak parte hartu dute, besteak beste.
Erabakia hartzeko Veneziako Batzordearen — zuzenbide konstituzionalean espezializatutako aditu independenteez osatutako Europako Kontseiluko aholku-organoa— gomendioak aintzat hartuko al dituzten galdetuta, Mousnierrek baietz erantzun du: "argi dago Veneziako Batzordearen iritziek elikatu behar dutela martxan dagoen eztabaida hau".
Bere aldetik, Cartabriak argi utzi Amnistia Legearen konstituzionaltasunari buruz ebaztea ez dagokiola berak ordezkatzen duen erakundeari, bere hitzetan, "hori herrialde bakoitzeko auzitegiei dagokie". Europako legedia betetzen duen edo ez, berriz, Bruselak esango duela gehitu du.
Nolanahi ere, nabarmendu du "nazioarteko estandarrak kontuan hartuta" eta "50 herrialde baino gehiagotako errealitatearekin alderatuta", "ez dago talkarik amnistia legeen eta botere banaketaren artean". Erantsi du, hori bai, badirela hainbat "printzipio" nahitaez bete beharrekoak, aipatutako estandarrak zaintzeko.
Hasieratik, Europako Batzordeak jakinarazi du ez duela esango Amnistia Legeak Europako legedia urratzen duen ala ez, Espainiako Estatuan tramitazioa amaitzen den arte.
Bien bitartean, Pedro Rollan (PP) Senatuko presidenteak esan du errekerimendu bat igorriko dutela Kongresura, eskari zehatz batekin: Amnistia Legea erretiratzea Behe Ganberako osoko bilkurak azter dezala, eta ez Kongresuko Mahaiak.
Joan den asteartean, txosten juridikoetan oinarrituta lege prosasamena erretiratzeko Senatuak igorritako eskaria atzera bota zuen Kongresuko Mahaiak. Rollanek uste du osoko bilkuran aztertu eta erabaki behar dela gaia, eta horregatik, "behar den adina aldiz" egingo dutela errekerimendua zehaztu du.
Kongresuko osoko bilkurak martxoan onartu zuen Amnistia Legea, gehiengo osoarekin (176 botoan dago ezarrita). Urtarrileko lehen bozketan ez bezala, Juntsen zazpi diputatuek PSOEren eta inbestidurako bazkideen gisan bozkatu zuten, eta testuak aldeko 178 boto jaso zituen.
Onartutako testuak prozesu independentistarekin lotutako pertsonen erantzukizun penal, administratibo eta kontablea ezabatu, eta Carles Puigdemont Generalitateko presidente ohia Espainiara itzultzeko atea irekitzen du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.