EAJk bilera sortarik ez egitea eta "botereari eusteko presak" edukitzea kritikatu du Otegik
Arnaldo Otegi EH Bilduko koordinatzaile nagusiaren aburuz, hurrengo Jaurlaritza osatzeko bidean, EAEko hauteskundeetako lehen indarra bigarren indarrarekin bilera sorta bat abiatzea litzateke "logikoena, egokiena". Gainerako alderdiekin bildu gabe, astelehenean dute hitzordua EAJk eta PSE-EEk. Horren harira, uste du "presa eta antsietatea" dagoela jeltzaleen eta sozialisten artean koalizio gobernua lehenbailehen ixteko.
Nabarmendu duenez, "ez da gobernu akordiorik egongo bien artean, Andoni Ortuzarrek esan du hauteskunde programak fusionatuko dituztela", eta galdea egin du horren kontura: "Nola egiten da hori? Ez datoz bat etxebizitza arloan, ezta Hezkuntzan, Osakidetzan, autogobernuan eta hizkuntza politikan ere... Zertan egiten dute bat, bada? Botereari eustean, horixe da dena", salatu du.
Hain justu, EAJri eta PSE-EEri dei zuzena egin die Otegik Radio Euskadiko "Boulevard" saioari eskainitako elkarrizketa batean, eta "joko arau ezberdinak" ezartzeko eskatu. Izan ere, horren ustez, "herrialdea aldatu egin da" eta jendeak hautestontzietan emandako "agindua" irakurri beharra dago. "Bestela, betikoak izango dira betikoa egiten", deitoratu du. Horren aurrean, EH Bilduk "oposizio eraikitzailea" egingo du, Osakidetza, trantsizio energetikoa edo estatutu berriaren auzian "herri itunak" adosten saiatzeko.
Eusko Legebiltzarreko Mahaiaren osaera hizpide hartuta, Otegik adierazi du, hauteskundeetako emaitzen arabera bi eserleku eduki beharko lituzketela, "baina bakarra emango digute", kritikatu du Otegi. "Legitimoa da baina ez da oso demokratikoa, suposatzen dut EAJ eta PSE-EEren artean banatuko dutela". Nabarmendu duenez, "ohiko politika" da hori, eta Gipuzkoako Batzar Nagusietan Presidentetza ez dutela gogorarazi du, bozak irabazi zituzten arren. Dena dela, ohartarazi duenez, "Gipuzkoan 15.000 botogatik irabazi genituen foru hauteskundeak; oraingoan, 30.000ko aldeagatik izan da. Durangon eta Gasteizen ere irabazi dugu. Jarrai dezatela".
Pedro Sanchezen balizko dimisioak Espainiako politikagintzan zabaldutako krisiaz galdetuta, Otegik erantzun du Espainian "etengabekoa" dela lawfare-a, eta ez dela existitzen Botere Judizialaren independentzia. Sanchezek kargua uztea erabakiko balu, argi utzi du EH Bilduk ez diola "eskuinari atea zabalduko".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.