Giza eskubideen kontrakoak direlakoan, PPren eta Voxen "konkordiaren legeak" kritikatu ditu NBEk
Nazio Batuen Erakundeak (NBE) gogor kritikatu ditu PPk eta Voxek hainbat erkidegotan izapidetzen dituzten "konkordiaren legeak" delakoak, uste baitu giza eskubideen kontrakoak direla. Espainiako Gobernuak eskatuta, txostena egin dute hiru errelatorek eta ondorioztatu erregimen diktatorial frankistak egindako giza eskubideen urraketa larriak "ikusezin" bihurtzeko saiakera direla.
Horren aurrean, dei zuzena egin dio Espainiako Gobernuari memoria historikoa babesteko eta tesi negazionista edo ukatzaileak saihesteko, eta hala, "beharrezkoak diren neurriak" hartzeko eskatu dio Sanchezen exekutiboari. NBEren iritzian, legeok egia ezagutzeko eskubidea eta elkartzeko eskubidea urratzen dituzte.
Aragoin, Gaztela eta Leonen eta Valentzian "konkordiaren legeak" delakoak izapidetzen ari dira PP eta Vox. Estatuko Memoria Demokratikoaren legearen kontrakoak direlakoan, NBEra jo zuen Espainiako Gobernuak, babes eske.
"Espainiako Gobernuak giza eskubideak bermatzeko eta, zehazki, memoria historikoa babesteko duen betebeharrari eragin ahal diote Aragoin, Gaztela eta Leonen eta Valentzian onartu edo onartzeko bidean dauden legeek", irakur daiteke txostenean.
Hiru errelatoreek adierazi dutenez, legeok "memoria historikoaren jarduera, webgune eta erakundeak desagerraraztea" agintzen dute, eta "giza eskubideen urraketa larrien biktima izan zirenak topatzeko eta egia ezagutzeko bidea muga dezakete". Gainera, judizioz kanpoko exekuzioetan edo behartutako desagerrarazteetan hildako ehunka mila pertsonari aitortza kentzen diete.
Honakoek egin eta izenpetu dute txostena: Fabian Salvioli egia, justizia, erreparazio eta ez errepikatzeko bermeak sustatzeko errelatore berezia, Aua Balde borondatearen kontrako desagerrarazteen lantaldearen presidentea eta Morris Tidball-Binz judizioz kanpoko exekuzioen inguruko errelatore berezia.
Memoria historikoaren aldeko erakundeak, pozarren
Memoria Historikoa Berreskuratzeko Espainiako Elkarteak txalotu egin du NBEren txostena. Ohar bidez, Emilio Silva elkartearen presidenteak salatu duenez, "'konkordiaren legeak'" Frankismoa zuritzeko eta diktadura goratzeko saiakera dira, eta biktimentzako eraso dira".
Horren ustez, "sasi-konkordiaren lege horien kontra borrokatzeko modu onena auzitara jotzea da. Justizia da memoria historikoaren aldeko politika".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.