Iñigo Iturrate EAJko legebiltzarkide ohia izango da Euskalduna Bilbao jauregiko zuzendari nagusi berria
Euskalduna Bilbao musika eta biltzar jauregiko Administrazio Kontseiluak Iñigo Iturrate EAJko legebiltzarkide ohia zuzendari berri izatea onetsi du, eta orain arte karguan izan den Nerea Lupardo ordezkatuko du.
Iturrate Bizkaiko Foru Aldundiko karrerako funtzionarioa da eta etapa berri bati ekingo dio Bilboko musika eta biltzar jauregiaren gidaritzan, "konpromiso sakona hartuz Euskalduna Bilbaoren misio eta balioekin", Euskaldunatik ohar bidez nabarmendu dutenez.
Iñigo Iturrate Ibarra 1963ko urtarrilaren 20an jaio zen, Bilbon. Animazio soziokulturaleko teknikaria da, eta karrerako funtzionarioa Bizkaiko Foru Aldundiko Kultura Sailean. Hizkuntzei dagokienez, euskarazko EGA maila, ingeleseko B2 maila eta frantseseko ahotsezko zein idatzizko oinarrizko ezagutza ditu.
Bizkaiko Batzar Nagusietako lehendakariorde eta Azpiegitura Batzordeko bozeramaile izan da, baita Euzko Abertzaleak Batzarkide Taldeko koordinatzailea ere. 2003tik 2007ra bitartean, EAJren bozeramaile izan zen Bizkaiko Batzar Nagusietan, eta Kultura Batzordeko presidente izan zen.
2007ko uztailetik 2009ko apirilera Bizkaiko Foru Aldundira itzuli zen, Ahaldun Nagusiaren Kabineteko Berdintasunerako eta Herritarren Eskubideetarako zuzendari nagusi gisa.
2009ko maiatzetik 2024ko maiatzera bitartean, aldiz, Eusko Legebiltzarreko parlamentarioa izan da, eta mahaiko 2. lehendakariorde eta 1. idazkari karguak bete ditu garai ezberdinetan.
2009ko urritik EITBren Administrazio Kontseiluko kide da eta telebistako zein irratiko hainbat saiotan kolaboratzaile izan da.
Gogora Institutuko Zuzendaritza Kontseiluko kide ere bada 2015eko urritik, baita Sexu eta Ugalketa Eskubideen Europako Foro Parlamentarioko eta Aliantza Parlamentario Globaleko partaide ere.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".