Espainiak Argentinan duen enbaxadorea behin betiko erretiratu duela iragarri du Albaresek
Jose Manuel Albares Atzerri Gaietarako, Europar Batasuneko eta Lankidetzako ministroak Maria Jesus Alonso Espainiako enbaxadorea Buenos Airesen behin betiko erretiratuko duela iragarri du, Javier Milei Argentinako presidenteak barkamenik eskatu ez duelako.
Horrela, Gobernuak beste urrats bat eman du agintari argentinarraren adierazpenei erantzuteko. Izan ere, Begoña Gomez, Pedro Sanchez Espainiako presidentearen emaztea, "ustela" zela esan zuen, eta Mileik azken orduetan barkamena eskatzea baztertu eta bere hitzak berretsi ditu.
Ministro Kontseiluaren ostean emandako prentsaurrekoan, Albaresek azpimarratu du "egoera ez dela aldatu" eta, ondorioz, Gobernuak Buenos Aireseko enbaxadorea erretiratzea erabaki duela. "Enbaxadorea Madrilen geratuko da behin betiko", zehaztu du ministroak, eta enbaxadak aurrerantzean negozio arduradun bat izango duela argitu du.
Mileik psikologo bat gomendatu dio Sanchezi
Javier Milei Argentinako presidenteak "halabeharrez harroa den sozialista baten zentzugabekeria" iritzi dio enbaxadorea behin betiko erretiratzeari, eta berretsi du Pedro Sanchez Exekutiboko presidentea ez dela "Espainia, eta are gutxiago haren emaztea".
"Izaera pertsonaleko pailazokeria baten ondorioz, Sanchez barregarri geratu da mundu guztiaren aurrean", adierazi du Mileik, eta psikologo bat gomendatu dio Sanchezi "heldu dadin", eta "Begoñarentzat abokatu on bat" gomendatzen duela iradoki du.
Era berean, Manuel Adorni Argentinako Gobernuko bozeramaileak Sanchezen "eldarniozko papera" deitoratu du, enbaxadorea erretiratzea erabaki ostean. Argentinak "ez du sekula" halako neurririk hartuko, ziurtatu duenez.
Sanchezen Gobernuaren erabakia deitoratu ostean, "Argentinak Espainian duen enbaxadorea erretiratzea" ez zaiela "segundo batez ere burutik pasa" esan du, "Espainiarekin gatazkarik ez dagoelako".
Erreakzioak
Europar Batasunak errefusatu egin ditu Mileik Sanchezen emaztearen aurka egindako eraso pertsonalak, eta Argentinak eta Espainiak aldebiko tentsioak konpondu ahal izatea espero du. Bruselan emandako prentsaurrekoan, Peter Stano EBko Atzerri bozeramaileak Josep Borrell EBko Atzerri Politikarako goi-ordezkariak Mileiren erasoen aurka egindako adierazpenak gogora ekarri ditu.
Bestalde, Alberto Nuñez Feijoo PPko buruzagiak Espainiako Gobernuko presidenteari leporatu dio hauteskunde interesek bultzatuta jokatzea, Espainiak Argentinan duen enbaxadorea erretiratu duelako, "erabaki neurrigabe eta desegoki" batean. Horregatik, gogoeta egitea eta neurria atzera botatzea eskatu du.
Pablo Bustinduy (Sumar) Eskubide Sozial, Kontsumo eta 2030 Agenda ministroak, berriz, enbaxadorea erretiratzea "bidezkoa" dela adierazi du. Hala ere, Espainiak Israelekin duen lotura etetea eskatzeko aprobetxatu du neurri hori; izan ere, bere ustez, "zaila da ulertzea" herrialde horrekiko harremanak mantentzea Buenos Airesekin hausten diren bitartean.
Era berean, Ione Belarra Podemoseko buruzagiak kritikatu egin du PSOEk Mileiren "irainak" larriak direla ikustea eta enbaxadorea erretiratzea, baina Israelekin gauza bera ez egitea, "milaka haur palestinar hil arren". "Ze nazka dena", adierazi du X sare sozialean.
Aitor Esteban EAJk Kongresuan duen bozeramaileak esan du "logikoa" dela Espainiako enbaxadorea erretiratzea, Mileik barkamenik eskatu ez duelako. Zentzu horretan, Argentinako presidenteak egindako adierazpenak "zuzenduko ez" dituela uste du jeltzaleak.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.