Pradalesek bilera sorta deitu ez izana kritikatu du De Andresek: "Deitu ere ez digu egin"
Javier de Andres Euskadiko PPren presidenteak estu hartu du gaur Imanol Pradales EAJren lehendakarigaia ez baitu inbestidura aurretik bilera errondarik deitu. "Nik neuk Pradalesek baino borondate gehiago daukat elkarrizketarako, berak ez digu deitu eta. Bilera sorta egin izan balitz, ni joango nintzateke, baina ez digu deitu. Hauteskunde gauean hitz egin nuen berarekin, eta ordutik ez dut haren berri izan", salatu du.
Radio Euskadiren "Boulevard" saioari eskainitako elkarrizketa batean, PPren EAEko buruak azpimarratu du jeltzaleen eta sozialisten Jaurlaritza berriak ez dituela Euskadiren arazoak konponduko. Horren hitzetan, Hezkuntzaren egoera "penagarria" da, Osasunean "gainbehera handia" dago, "segurtasun eza" dago kaleetan, eta Etxebizitza alorrean, Espainiako udalerri garestienetako batzuk Euskadin daude (Donostia eta Zarautz aipatu ditu). Argudiatu duenez, "eurek lehentasunezkotzat jo dituzten puntuetako batzuk dira txarren doazenak. Baina ez dakit zer konponduko duten, egoera eurek sortu dute-eta".
Industria ere hizpide hartu du buruzagi popularrak, eta sektore honetan izandako "balio erantsi galera ikaragarria" deitoratu du. "Duela urte batzuk industria Barne Produktu Gordinaren % 50 zen, orain % 20 da", zehaztu du, eta jeltzaleak eta sozialistak egin ditu horren erantzule. "EAJk, nagusiki, eta PSE-EEk, modu iraunkorrean babestu duelako, egindako kudeaketaren emaitza da. Susmoa dut gainbeheraren ziklo berean jarraituko dugula", gaineratu du.
Euskadin autogobernu gehiago behar ote den galdetuta, De Andresek erantzun du berak ez duela uste autogobernu gehiago izatea "hobea" denik, eta mundua "kontrako norabidean" doala erantsi du; "Europako herrialdeak batzen ari dira", argudiatu du. Horren iritzian, "garrantzitsuena daukaguna ondo kudeatzea da", eta eskuduntza gehiago izatea baztertu ez badu ere, nabarmendu du batzuk "hobe dela Espainian edo Europar Batasunaren baitan, eremu handiagoan, kudeatzea".
Azkenik, esan du Gernikako Estatutua "hobe" litekeela. "Idatzita dagoen bezala, inork ez zuen uste Euskadin gazteleraz ikasteko aukerarik egongo ez zenik edo euskaraz ez jakiteagatik, lanpostu publiko bat eskuratzeko aukerarik egongo ez zenik", azaldu du.
Zure interesekoa izan daiteke
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” ikusten du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.