Pello Otxandiano: "Autogobernua eta estatus politikoa izan behar da legegintzaldi honetako gai nagusia"
Pello Otxandiano EH Bilduren Eusko Legebiltzarreko bozeramailearen iritziz, legegintzaldi honetako gai nagusia autogobernua eta estatus politiko berria izan behar da, "azken hiru legegintzaldiak biribilgunean" igaro ondoren. Horren arabera, Estatuaren hamarkada luzetako esku hartzearen ondorioz, gaur egungo autogobernua "estrategikoki mutilatua" izan da.
Radio Euskadin egin dioten elkarrizketan, Eusko Legebiltzarrean autogobernuari buruzko "mugarik gabeko" eztabaida bat egitea proposatu du, talde politiko bakar batek ere beto eskubiderik izan gabe. Horren esanetan, eztabaidaren abiapuntu egokia Eusko Jaurlaritzak egindako Erosio isila txostena izan daiteke.
Autogobernuari lotuta, paraleloan egin beharreko bi bide daudela uste du Otxandianok: batetik, Gernikako Estatutua osorik betetzea; bestetik, Euskal Autonomia Erkidegoak Estatuarekin izan beharreko harremana eztabaidatzea. Horren arabera, eztabaida ez da kuantitatiboa, kualitatiboa baizik.
Bestalde, Otxandianok ontzat eman du Osakidetzaren inguruan herri ituna adosteko Pradales lehendakariak egindako proposamena. Ildo horretan, adierazi du Osakidetzaren inguruko diagnostiko bat egin behar dela, helburu bat jarri eta bide orri bat zehaztu. Edozein kasutan, ohartarazi du herri akordioak lortzea ez dela "besteek norbere programarekin bat egitea", baizik eta "elkarguneak bilatzea".
Azkenik, Otxandianok baieztatu du lehen harremana izan duela Pradales lehendakariarekin bien arteko bilera hitzartzeko. Izan ere, atzo lehendakariak uztailaren 8ko astean alderdi politikoekin eta eragile sozial eta ekonomikoekin bilera erronda abiatzeko asmoa iragarri zuen.
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Bizimodu duina bermatzeko politikei buruzko eztabaida monografikoa Legebiltzarrean
EH Bilduko Pello Otxandianok zerga eta etxebizitza erreforma proposatu du, Hernandezek (Sumar) gehien dutenek gehiago ordaintzea eskatu du eta Martinezek (Vox) "etxekoentzako" baliabideak lehenestea.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok ukatu egin du Auzitegi Nazionalean Plus Ultraren alde eraginik baliatu izana
Espainiako Gobernuko presidente ohiak Plus Ultra auziagatik deklaratu behar zuen hasieran, baina azkenean bulegoan atzeman dizkioten bitxiengatik ere deklaratu behar du.
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.