18 urteko espetxea ezarri diote Moncloara eta hainbat enbaxadetara bonba-gutunak bidali zituen gizonari
18 urteko espetxea ezarri diote Pompeyo Gonzalez Burgosko 76 urteko gizonezkoari —hainbat urtez Gasteizko Udaleko funtzionarioa izan zen—, 2022ko azaroan, Moncloara eta hainbat enbaxadetara sei bonba-gutun bidaltzeagatik. Besteak beste, Pedro Sanchez Espainiako Gobernuko presidenteari, Margarita Robles Defentsa ministroari, eta AEBko eta Ukrainako enbaxadei igorri zituen gutunak. Denak desaktibatzea lortu zuten, Ukrainako enbaxadara bidalitakoa izan ezik; segurtasun langile bat zauritu zen.
Terrorismo delituagatik 10 urteko kartzela-zigorra, eta helburu terroristarekin armak izatea, fabrikatzea eta erabiltzeagatik, 8koa ezarri dizkio Auzitegi Nazionalak. 2022an atxilotu zuten Gonzalez Miranda de Ebroko (Burgos) bizilagun erretiratua.
Ebazpenean, epaileek diote gutunen bidez Espainiako, Estatu Batuetako eta beste herrialde batzuetako gobernuak presionatzea zuela helburu gizonezkoak, "Ukrainara armak bidaltzeari uzteko".
Halaber, epaileen arabera, egiaztatuta geratu da Gonzalezek berak fabrikatu zituela gutunekin batera bidalitako lehergaiak. Egurrezko kutxetan sartuta bidali zituen, posta bidez. Horiek aztertu zituzten ikertzaileek ondorioztatu zuten "maila ezberdineko lesioak" eragiteko adinako indarra zutela lehergaiok.
Epaiketan, akusatuak leporatzen zitzaizkion delituak ukatu bazituen ere, epaileek arrazoitu dute "proba ugari" daudela gutunen eta lehergaien egilea bera dela esateko.
Albiste gehiago politika
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.