Barrabesek politikariekin izandako "ohiko bileren" testuinguruan kokatu du Sanchezekin izandako bilera
Juan Carlos Barrabes enpresariak eman ditu gaur azalpenak Begoña Gomez, Pedro Sanchez Espainiako Gobernuko presidentearen emaztea, ikertzen ari den Juan Carlos Peinado epailearen aurrean. Bere deklarazioan, Barrabesek berretsi du Sanchezekin "behin bakarrik" bildu zela Moncloan, eta politikariekin "berrikuntzaren inguruan" izaten dituen "ohiko bileren" testuinguruan kokatu du hitzordua.
Auto batean, Peinado epaileak adierazi zuen Begoña Gomezek "bere senarra Espainiako Gobernuko presidentea denetik egin dituen ekintza, jarrera eta jokabide guztiak" direla ikergai. Horien artean, Barrabes enpresaburuarekin izandako ustezko loturak eta kontratuak leudeke ikerketapean, influentzia-trafikoa eta negozioetan ustelkeria egotzita.
Bideokonferentziaz deklaratu du gaur Barrabesek, bere osasun-egoera dela eta, eta bere abokatuaren galderei bakarrik erantzun die. Zehaztu duenez, Sanchezekin batzartu zenean, haren emazteak ez zuen parte hartu bileran.
Gomezek zuzentzen duen master bateko irakaslea da enpresaria, eta uztailaren 15ean deklaratu zuen aurrenekoz enpresariak auzi honetan lekuko gisa. Deklarazioa hartu ostean, inputatzea erabaki zuen epaileak. Auzitegiko iturriek baieztatu dutenez, orduko ildo beretik deklaratu du, gaurkoan ere.
Sanchezekin izandako bileraz gain, bere emaztearekin hainbat bilera profesional ere izan zituela azaldu du, azken horrek masterreko modulu baterako laguntza eskatu ziolako.
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.