Puigdemontek bere ihesa justifikatu eta 'proces'-a ez dela amaitu adierazi du bideo batean
Carles Puigdemont Katalunia Generalitateko presidente ohia X sare sozialean argitaratutako bideo berri batean agertu da larunbat honetan. Bertan, Waterloora itzultzeko erabakia justifikatzearekin batera, proces-ak aurrera jarraitzen duela ohartarazi du: "Independentzia prozesua ez da amaitu". Horrekin batera, Illaren inbestidura saioan parte hartu nahi zuela azpimarratu du.
Zortzi minutuko bideo batean, "leku seguru batera itzuli ahal izatea" lehenetsi zuela azaldu du. Izan ere, Bartzelonako Garaipen Arkuaren aurrean 3.500 jarraitzaileren aurrean hitzaldia eman eta gero, ihes egin zuen presidente ohiak. Leku seguru hori, Belgikan duen egoitzan, Waterloon, aurkitu duela esan du, nahiz eta bideoan ez dagoen inolako ebidentziarik Belgikan dagoela baieztatzeko.
Horrekin batera, Puigdemontek argi utzi du Salvador Illaren inbestidura saioan parte hartzeko asmoa zuela, eta bere burua justiziaren esku uzteko asmorik ere ez zuela: "Parlamentuan sartzen saiatzeak atxiloketa seguru bat ekarriko zukeen, eta, orduan, ez nuen bertan parte hartzeko aukerarik izango", azpimarratu du.
Era berean, presidente ohiak azaldu duenez, "ez nuen nahi eskumena ez duen agintari judizial baten aurrean neure burua aurkeztea". Izan ere, Puigdemonten aburuz, "Justiziak ez du justizian inolako interesik, politikan baizik".
Horrez gain, ERCren agintaldiaren aurka egin du, eta Espainiako Estatuarekin "kolaboratzea" leporatu dio alderdiari: "Ezin nuen imajinatu ere egin matxinada judizialaren estrategiak bere garaia amaituta zuen Kataluniako Gobernu baten laguntza sutsua izango duenik".
Hala ere, horrek guztiak proces-arekin amaitzen ez duela azpimarratu du Puigdemontek, eta, beraz, abian jarraitzen duela: "Independentzia prozesua independentziarekin amaitzen da (...) Etapa berri bat ireki da orain, beste baldintza batzuekin".
Zure interesekoa izan daiteke
Otxandianoren arabera, Iparraldeko dinamika politikoak inspiragarriak izan beharko lirateke baita ere Hegoalderako
Pello Otxandiano EH Bilduren Eusko Legebiltzarreko bozeramailearen arabera, "herri honek behar du EAJ eta EH BIlduren arteko esparru bat adostua".
EAJk lehen indarra izaten jarraitzen du Euskadin, EH Bildurekin eserleku bateko aldearekin
Araban, jeltzaleek 8 eserlekurekin berdinduko lukete EH Bildurekin, baina lehen indarra izango lirateke hamarren batengatik, Sumarri eserleku bat irabazita.
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.