Osakidetzaren egoera irauli eta bikaintasuna berreskuratzea asmo duen osasun mahaia, abian
Osasun sistema berria eraikitzeko abian jarri den mahaia martxan da. Egungo egoera irauli eta galdutako bikaintasuna berreskuratu nahi da, eta horretarako, etorkizuneko Osakidetzaren oinarriak finkatuko dituen lantaldeak aurreneko bilera egin du, gaur, Bilbon. Bilera horretan, Alberto Martinez Eusko Jaurlaritzako Osasun sailburuak 264 orriko lan zirriborro bana banatu die EHUren Bizkaia Aretoan elkartu diren eragileei.
Ezinbestekoa da modu koordinatuan eta proaktiboan jardutea, Osakidetzak egun dituen erronkei erantzuteko eta kalitatezko osasun sistema bermatzeko. Hori dio, besteak beste, eragile guztien ekarpenekin osatu nahi den dokumentuak. Etorkizuneko Osakidetzaren oinarriak finkatzea da asmoa, eta emango diren urratsak erabakitzea. Sei hilabeteko lana izango dela aurreikusi du Jaurlaritzak, eta datorren urteko martxorako osasunaren inguruko herri-ituna indarrean egotea espero du.
Bilera aurretik, Imanol Pradales lehendakariak esan du Osasun sistemak eragile guztien ekarpenak behar dituela. "Hori egiteko parte guztien ekarpenak oso garrantzitsuak dira", gaineratu du lehendakariak. Jarrera eraikitzailea eta epe labur zein luzerako begirada eskatu dizkie eragile politiko eta sozialei.
Mahaiak bere lana egin bitartean, agindu du Pradalesek egunerokoa ere zainduko duela, eta neurriak hartuko dituela Osakidetza hobetzeko.
Batzarrean parte hartu duten oposizioko alderdiek zein sindikatuek jarrera aldaketa eskertu bai, baina zuhurtzia handia erakutsi nahi izan dute. Egiturazko aldaketak ekarriko dituen konpromisoak nahi dituzte, eta mahaia propagandarako tresna ez izatea eskatu dute.
Bilerak helburu duen itunaren asmoa ez da aldian aldiko aldaketak egitea, hurrengo 10-15 urteetako osasun sistemaren oinarria ondo finkatzea baizik. Hauek dira egin diren proposamenen gakoak: osasun sistema eraldatu, itxaron zerrendak murriztu eta lehen arreta hobetu eta kalitatezko zerbitzua eman, berriro ere, Europan erreferente izan dadin.
Lehendakariak eta Osasun sailburuak gidatu dute goizeko bilera. Alderdietako, sindikatueko eta osasungintzarekin zerikusia duten elkarteetako ordezkariek hartu dute parte. Hutsune nabarmenena ELA sindikatuarena izan da, uko egin baitio parte hartzeari.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.