EH Bilduk ohartarazi du Osakidetzak lehen mailako arretaren autonomia eta erabakitzeko gaitasuna galdu dituela
Jaurlaritza berriak ehun egun bete dituen egunean bertan aurkeztu du EH Bilduk Osakidetzaren egoerari buruzko txostena, eta, besteak beste, Osakidetzaren bizkarrezurra izan behar lukeen lehen arretak autonomia eta erabakitzeko gaitasuna galdu dituela nabarmendu du koalizio abertzaleak.
Nerea Kortajarena eta Rebeka Ubera legebiltzarkideek astearte honetan emandako prentsaurrekoan adierazi dute urriaren 9rako Jaurlaritzak deituta duen "Osasungintzaren aldeko Itunaren" mahaian defendatuko dituela EH Bilduk azterlanaren ondorioak.
Osakidetzaren egungo egoera goitik behera aldatzeko EH Bilduk egindako 150 orriko diagnosian, besteak beste, jasotzen da gaur-gaurkoz indarrean dauden politikek herritarrei ematen dieten arretan "eragin kaltegarria" dutela.
Uberak nabarmendu duenez, "pertsonal politikak, gobernantzak eta publiko-pribatuaren arteko harremanak ondorio kaltegarriak izan dituzte herritarrek jaso beharreko arretaren kalitatean".
Koalizio abertzalearen arabera, bizkarrezurra izan behar lukeen lehen arretak autonomia galdu du eta osasun mentalak bigarren mailako trataera jaso du. Hala, koalizio abertzaleak uste du sustatzera bideratutako sistema bat beharrezkoa dela.
Diagnosia igandeaz geroztik dago Eusko Jaurlaritzaren esku, eta EH Bilduk nabarmendu du txostena ez dela itxia.
Koalizio abertzalearen aburuz, Imanol Pradalesen Jaurlaritzak formetan aldaketak izan ditu, baina orain ekintzak behar direla gaineratu du.
Zure interesekoa izan daiteke
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.