Juan Lobatok Madrilgo PSOEren idazkari nagusi karguan jarraituko du
Juan Lobato Madrilgo PSOEren idazkari nagusiak karguan jarraituko du, eta entzungor egin dei dimisioa emateko alderdi barrutik egindako eskariei. Buruzagi sozialistak Moncloako kargudun batekin (Pilar Sanchez Acera) WhatsApp bidez trukatutako mezuak notario aurrean erregistratu dituela jakin ostean lurrikara sortu da Alderdi Sozialistaren barruan; are gehiago, ostegunean PSOEren kongresu federala hasiko dela kontuan izanda. Elkarrizketa horrek lotura dauka Alberto Gonzalez Amador Isabel Diaz Ayuso Madrilgo Erkidegoko bikotekideak ustez egindako delitu fiskalekin.
Alderdikideek"lintxamendua" egin diotela salatu du Madrilgo PSOEren idazkari nagusiak, Madrilgo Asanblean gaur goizean egin duen galderarik gabeko agerraldian. Kezkatuta agertu da alderdi barruan bere aurka sortu den giro erasokorragatik, baina Alderdi Sozialistan barne demokrazia dagoela nabarmendu du.
Atzo jakin ahal izan zenez, Juan Lobatok Pilar Sanchez Acerarekin —Pedro Sanchez presidentearen kabinete burua izandakoa eta gaur egun Oscar Lopez Transformazio Digitalerako eta Funtzio Publikorako ministroaren kabinete burua dena— WhatsApp bidez izandako elkarrizketa bat notario aurrean erregistratu zuen.
Lobatok atzo egindako kontakizunaren arabera, Madrilgo PSOEren Politika Instituzionalerako idazkari ere baden Sanchez Acerak e-mail bat bidali zion martxoaren 14an, eta mezu horretan Isabel Diaz Ayusoren bikotekideak delitu fiskalak egin izana aitortzen zuen. Gaineratu zuen dokumentazio hori hedabideek eman ziotela, eta ez Fiskaltzak. Gaurko agerraldian ildo beretik hitz egin du, eta, azaldu duenez, ez du aurreikusten jatorria hedabidea ez izatea, uste baitu hori "oso larria" izango litzatekeela.
Halaber, PPkoek egindako kritikei ere erantzun die Madrilgo PSOEren buruak. PSOE "sekta" bat dela ukatu du, eta 145 urteko ibilbidea duen alderdi demokratikoa dela azpimarratu du, "eredugarriak" diren militante eta politikariak dituena.
Auzitegi Gorenak Lobato lekuko gisa deklaratzera deitu du datorren ostiralean, Isabel Diaz Ayusoren bikotekideaz idatzitako mezuen harira eta Alvaro Garcia Ortiz Estatuko fiskal nagusiaren aurka irekitako auziaren barruan. Azken horri, Alberto Gonzalez Amadorren inguruko informazioa Pilar Sanchez Acera buruzagi sozialistari bidaltzea leporatzen diote.
Azken orduetan PSOEko hainbat kidek Lobatoren dimisioa eskatu dute, konfiantza "hautsi" dela argudiatuta.
Zure interesekoa izan daiteke
Jaurlaritzak Edurne Egaña aholkulari izendatu du, EKPko zuzendari kargutik kendu eta biharamunean
Egaña hainbat auzibidetan egon da nahastuta, Donostiako portuko amarralekuak esleitzeko prozesuetan egon diren ustezko irregulartasunengatik. Alderdi Popularrak aurreratu du izendapena Eusko Legebiltzarrera eramango duela eta erantzukizun politikoak eskatuko dituela.
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Rosa Zarra Poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.