Legebiltzarrak Jaurlaritzaren erabakia babestu eta Arabako Mahastien epaiaren aurkako helegitea errefusatu du
Eusko Legebiltzarrak baztertu egin du Eusko Jaurlaritzak EAEko Auzitegi Nagusiak Arabako Mahastiak jatorri-izenaren aurka emandako epaiaren kontrako errekurtsoa aurkezteko aukera, eta Arabako Errioxako ardoa bereizteko eta haren kalitatea hobetzeko estrategian aurrera egitearen aldeko apustua egin du.
Eztabaida EH Bilduren eskutik heldu da Ganberara, mozio batean helegite hori defendatzen baitzuen, eta gainerako indar politikoek atzera bota dute.
Hala ere, EAJk eta PSE-EEk idatzitako osoko zuzenketa onartu da, baina bertan ez da helegiteaz hitz egiten, Eusko Jaurlaritzak berak Auzitegi Gorenean alegaziorik ez aurkezteko erabakia hartu eta gero, eta sektorearen lehiakortasuna hobetzeko egitasmo bat babestu dute.
Era berean, Arabako Errioxako ardoaren posizionamenduan aurrera egin nahi da, "bereizketa eta kalitate estrategia baten esparruan, eskualdean mahastizaintzako eta ardogintzako jardueraren bideragarritasuna bermatzeko".
Zuzenketa horrek bultzatzaileen babesa, PPren arbuioa eta gainerako taldeen abstentzioa izan ditu.
EH Bilduren aldetik, Itxaso Etxebarriak "lotsagarritzat eta Errioxa jatorri-izenaren aginduekiko erabateko mendekotasuntzat" jo du Eusko Jaurlaritzak helegitea ez aurkezteko erabakia, ABRAk, Arabako Mahastiak bultzatu nahi duen ardogile txikien elkarteak, helegitea aurkeztuko duenean. "Berriz ere eskualdea abandonatzen duzue. Gure upategiak bereizteko eskubide legitimorik gabe uzten dituzue. Argi hitz egin eta aitortu Errioxa jatorri-izenaren esanetara zaudetela onartu", aurpegiratu du.
Ander Añibarrok (EAJ) onartu du "aro bat itxi" dela, baina argi utzi nahi izan du "sektorea ez dutela bazterrean utziko", eta erakundeek lanean jarraituko dutela euren beharrei erantzuteko.
Aroa Gilete sozialistak Arabako Errioxako ardoek Errioxa jatorri-izenaren baitan jarraitzea defendatu du, "munduan barna aurkezteko txartela" delako, eta helegitearen eztabaida "agortuta eta amaituta" dagoela uste du. Hori dela eta, ardoaren kalitatearen alde lan egiteko eskatu du, "zatiketarik eta hausturarik gabe".
Ana Morales PPko legebiltzarkideak normaltzat jo du helegiteari uko egitea, "auzitegietan hainbeste zaplazteko jaso ostean", eta Eusko Jaurlaritzaren aldetik "sektorea irtenbiderik gabeko kale batera eramaten ari zirela onartzeko modu bat" dela azpimarratu du.
Azkenik, Amaia Martinezek (Vox) defendatu du Errioxa jatorri-izena "eskualdeen arteko lankidetzaren adibide bikaina" dela.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.