Mertxe Aizpuruak posible ikusten du sozialistekin autogobernurako "minimioetako akordioa" lortzea
Mertxe Aizpurua EH Bilduk Kongresuan duen bozeramaileak uste du posible dela indar abertzaleen eta Alderdi Sozialistaren arteko "gutxieneko akordio bat" lortzea, euskal autogobernuan aurrera egiteko.
Aizpuruak, Radio Euskadin egindako elkarrizketa batean, adierazi du 2025a ez dela "estatus berriaren urtea izango" Euskadirentzat, prozesu politikoek denbora behar dutelako, baina "oinarri sendoak jartzeko urtea" izan beharko lukeela.
Esan duenez, aurrena "gutxieneko zoru bat" lortu behar da, eta posible ikusten du hori Alderdi Sozialistarekin lortzea. Izan ere, haren jarrerari buruz esan duenez, "batzuetan politikan hedabideei begira esaten dena gauza bat da, eta benetan pentsatzen dena beste bat, eta ez litzateke izango horrelako ezustekorik dagoen lehen aldia".
Azpimarratu duenez, Espainiako Gobernuak ere badu arlo horretan "erantzukizuna", autogobernuaren auzia "ez delako desagertuko eta gatazka hori iraunkorra izango delako".
"Euskal Herriaren naziotasunaren aitorpena" alde egin du eta "euskal herritaren artean bezala, katalanekin eta galiziarrekin ere gutxieneko akordio" baten alde egin du.
Energia-enpresen gaineko zergari dagokionez, Aizpuruak uste du Gobernuak zerga bihurtzeko eta Euskadin zerga hori biltzeko eta kudeatzeko "konpromisoa" beteko duela, eta adierazi du ez dagoela "aitzakiarik horren kontra bozkatzeko" Juntsek eta EAJk egin bezala.
Ordezkari abertzaleak deitoratu egin du alderdi horiek "enpresa handien menpe egon eta gobernatzea", eta zerga hori ezabatu nahi izatea.
Aizpuruak ohartarazi du EH Bilduk ez duela Espainiako Gobernua baldintzarik gabe babestuko, baina haren balizko babesen artean "sendoenetakoak" direla adierazi du, "argienak" direlako eta ez dutelako "engainatzen".
Bestalde, "albiste ontzat" jo du Euskadiko Pilota Federazioa kirol horren nazioarteko federazioan sartzea, eta espero du horrek "bide bat" irekitzea "edozein kirol modalitatetan Euskal Selekzio gisa lehiatu ahal izateko".
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.