Etxebarriko alkatea eta alkate ohia ikertzen ari dira 'gezurrezko polizia'ren kasuagatik
Instrukzio-epailea Iker Lopez Etxebarriko alkatea eta Loren Oliva alkate ohia ikertzen ari da, ustez titulua faltsutu zuen udaltzain baten aurka Udalak jarri zuen salaketaren harira.
Kaleratu zuten udaltzaina Etxebarriko Udalak sortu zuen lan-poltsa baten bidez iritsi zen bere lanpostura, eta hiru urtez izan zen udaltzain, ustez Arkautiko titulua faltsutu ostean.
Udalak horren aurka jarritako salaketaren harira abiatutako ikerketen ondorioz, epaileak ikerketapean jarri ditu egungo alkatea, Iker Lopez, eta alkate ohia, Loren Oliva, biak La Voz del Pueblo talde independentekoak.
La Voz del Pueblo taldekoen esanetan, "erabateko ezustekoa" izan da bi ordezkariak ikerketapean egotea, kontratazio prozesuetan "erabakietatik kanpo" egon direlako eta kontratazioa "berretsi besterik ez" dutelako egin.
Radio Euskadin egindako adierazpenetan, egungo alkateak esan du "gertatzen ari den guztiaren biktima" sentitzen direla, eta "oso lasai" daudela, "ez dugulako ezer gaizki egin".
Lopezek argitu duenez, beraiek izan ziren, "delitua izan zitekeen edo behar bezala egin ez zen zerbait identifikatu edo detektatu bezain laster", informazioa justiziari helarazi ziotenak, iker dezaten. "Curriculum batean irregulartasun posible bat antzeman, eta gaia fiskaltzari bidali zitzaion iker zezan, eta zazpi hilabete geroago badakigu gertatutakoa ikertzen ari direla, eta hori da egokiena", azaldu du. Baina, era berean, aitortu du "ezustekoa" izan dela ikertuak beraiek izatea.
Horren hitzetan, "ez dugu ezer ezkutatzeko", eta Udaleko euren kudeaketan beti izan dutela oinarri "kontratazio, lizitazio eta gainerako erabakietatik at" mantentzea, "soilik eskatuz gauzak egin behar diren moduan eta modu egokian egitea". Azpimarratu duenez, inoiz ez dute erabaki horietan sartu nahi izan, "prozesuen emaitzak berrestetik harago".
Zure interesekoa izan daiteke
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.
Ertzaintzaren operatiboaren buruak epailearen aurrean deklaratu du: "Hil egin nahi gintuzten"
Falangearen elkarretaratze baten aurrean kontramanifestazioa egiteagatik ikertzen ari diren sei pertsonak deklaratzeari uko egin diote. 22 agente zauritu ziren istiluotan, eta epaiketak aurrera jarraitzen du.
Pradalesek Europa batuagoa eta subiranoagoa izatea eskatu du, ordena global berriaren aurrean
Lehendakaria Munduko Ekonomia Foroan parte hartzen ari da aste honetan, eta paradigma globala aldaketzen ari dela ohartarazi du. Gainera, Europar Batasuna bateratuagoa eta burujabeagoa izatea eta erabakitzeko gaitasun handiagoa izatea eskatu du.