Kongresuak oniritzia eman dio Juntsen lege bat izapidetzeari, okupen etxegabetzeak bizkortzeko
Espainiako Diputatuen Kongresuko osoko bilkurak astearte honetan onartu du Juntsen lege-proposamen bat aintzat hartzea, okupak azkarrago etxegabetzeko, bai bizilekua bortxatzen denean, bai usurpazio kasuetan.
Kongresuak onartu egin du Juntsen ekimena tramitatzea, PPren, Voxen, PSOEren, EAJren eta Coalicion Canariaren aldeko botoekin, eta Sumarren, EH Bilduren eta ERCren kontrako iritziekin, besteak beste.
Proposamen horren helburua da okupak berehala etxegabetzea, ohiko bizilekua bortxatuz gero, delitu nabarmena izanez gero eta Poliziaren ustez okupazioa aurreko 48 orduetan izan bada. Hainbat faktoreri erreparatu beharko zaie, hala nola ateak edo leihoak apurtzea, alarma aktibatzea eta bizilagunen, lekukoen edo zaindarien testigantzak.
Juntsen asmoa da, gainera, okupatzaileek 48 ordu izatea bizitokiaren "legezko jabe" direla egiaztatzeko, eta, bestela, "berehala uztea".
Era berean, proposatu dute etxegabetzeen etetea mugatzea etxebizitzak hamar etxebizitza baino gehiago dituzten enpresa edo pertsona fisikoenak diren kasuetara, bai eta kalteberatasun ekonomikoko egoeran egoteaz gain indarkeria matxistaren mendekoak edo biktimak diren okupatzaileenak diren kasuetara ere.
Gainera, epaileei ahalmena eman nahi diete, "aurretik alde batek eskatuta", kautelazko neurri gisa kanporatu ditzaten.
Eztabaidan PPk eta PSOEk ez dute aurreratu zer jarrera zuten, baina azkenean aintzat hartzearen alde bozkatu dute, Voxek bezala.
Sumarrek, EH Bilduk eta ERCk kontra bozkatu dute, izan ere, euren ustez, "ogia erostera" doazenean etxea okupatuko dieten beldur dira herritarrak, okupazioek higiezinen % 0,06ri eragiten dieten arren.
Oskar Matute (EH Bildu), Gerardo Pisarello (Sumar) eta Etna Estrems (ERC) diputatuek adierazi dutenez, espekulazioa eta errentarien, funts putreen eta bankuen etxebizitza hutsak dira etxebizitzarako eskubideari kalte egiten diotenak.
Zure interesekoa izan daiteke
Aitor Estebanekin elkarrizketa "Gaur Egun" albistegian, PSE-EErekin izandako polemikaren ostean
EAJko presidenteak polemikaz, euskararen eskakizunaz eta beste hainbat gaiez hitz egin du ETBko kamerentzat.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.