Defentsan gastua igotzeko beharraz arituko da Sanchez Kongresuan, bazkideak kontra dituela
Pedro Sanchez Espainiako Gobernuko presidenteak agerraldia egingo du gaur, asteazkena, Diputatuen Kongresuan, Europaren berrarmatzea dela eta Gobernuak duen jarrera azaltzeko eta defentsa gaietan egin beharreko gastua handitzeko beharra defendatzeko. Sumar, gobernu-koalizioko kidea, eta inbestidura ahalbidetu zuten hainbat alderdi politiko kontran izango ditu presidenteak gai horretan.
Presidenteak argi utzi du segurtasunean egindako inbertsioa handitzeko asmoa duela, eta NATOrekin adostutako helburua aurreikusitakoa baino lehen lortu nahi duela, hau da, 2029 baino lehen BPGaren % 2ra iritsi nahi duela. Hala ere, oraindik ez dago argi nola egin nahi duen, zein epetan, ezta nola jokatuko duen Gorteetan hori guztia aurrera ateratzeko laguntzarik lortzen ez badu.
Gobernuko iturriek aditzera eman dutenez, 2025ean aurrekontu berririk egongo ez balitz, Ganberaren oniritzirik behar izan gabe handitu ahalko luke Gobernuak defentsako gastua. Gastatu ez diren aurrekontu-partidak erabiltzea da asmoa, eta NATOren eta EBren eskakizunak betetzeko balio duten gaietara diru hori berresleitzea.
Bazkideen arteko aldeak gorabehera, Moncloan uste dute gehiengoa bat datorrela oinarriarekin, eta aurreratu dute Sanchezek diskurtso pedagogiko bat egingo duela Kongresuan Europaren egoera azaltzeko, baina belizismotik urrun eta segurtasunaren kontzeptua modu zabalean ulertuta. Bere asmoa da gastu militarraz ez ezik, segurtasuna indartzeaz ere hitz egitea. Era berean, zibersegurtasuna, mugen segurtasuna eta klima-aldaketaren aurkako borroka ere aipatuko ditu.
Gobernukide duen alderdia, Sumar, kontran izango du oraingo honetan. Joan den astean, Europako Batzordeak proposatutako berrarmatze planaren gastu militarra handitzearen aurka bozkatu zuen Sumarrek, eta Espainia NATOtik ateratzea babestu zuen. Bestalde, ERC, EH Bildu eta Podemos alderdiek ere argi utzi dute kontrako iritzia dutela.
Oposizioko liderrak, Alderdi Popularreko Alberto Nuñez Feijook, Gobernuaren "zatiketa" salatzeko probestuko du asteazkeneko plenoa. "Gobernuaren zati batek NATO utzi nahi badu, nola konprometituko den" argitu dezala eskatuko dio Sanchezi.
Halaber, defentsaren arloko edozein erabaki Kongresuko Osoko Bilkurara eramatea eskatuko dio; izan ere, PPren ustez, "aurrekontu-garbiketa" posibleek "lege-iruzurra" ezkutatu dezakete. Hain zuzen ere, PPk ez du baztertu auzitara jotzea, bide horretatik joan eta Kongresuaren baimenik gabe erabakiak hartzen badira. Alderdiko iturrien arabera, Feijook erantzun zehatzak eskatuko ditu: "Defentsan zenbat diru inbertitzeko asmoa duen, zein den epea, zenbat gastatuko duen urtez urte eta nondik aterako den diru hori".
Bestalde, PPren buruak "formalki" eskatu du Estatuko Aurrekontu Orokorrak aurkezteko eta Estatuaren egoerari buruzko eztabaida deitzeko (azkena 2022ko uztailean izan zen). PPk asteartean gogorarazi zuenez, Espainiako gobernuburuak "agindu konstituzionala" du aurrekontuen proiektua Kongresuan aurkezteko, eta ez dute baztertzen Justiziaren aurrean helegitea aurkeztea, hala egiten ez badu.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.