Nafarroako Gobernuak "muga-zergek eragindako kalteak apaltzera" bideratuko ditu bere politikak
Nafarroako Gobernuak bere politikak —ekonomikoak zein fiskalak— bideratuko ditu Ameriketako Estatu Batuek (AEB) inposatutako "muga-zergen ondorioak murriztera", eta "patronalekin zein sindikatuekin, eta kaltetutako enpresekin etengabe komunikatzeko" bideak ezarriko ditu.
Nafarroako 200 bat enpresak dute harreman komertziala AEBrekin, eta 33 han daude.
Nafarroako Estatistika Institutuaren (NASTAT) arabera, 2024an Nafarroako enpresek 367.484.441 euro esportatu zituzten Estatu Batuetara, hau da, guztizkoaren % 3,5 inguru. Inportazioak 132.212.540 eurokoak izan ziren. Beraz, Foru Erkidegoak 235.271.901 euroko merkataritza-saldo positiboa izan zuen AEBrekin.
Maria Chivite Nafarroako presidenteak agindu hori eman dio bere Gobernuari gaur egindako bilera batean. Bertan adierazi duenez, helburua da kaltetutako sektoreek euren egoeraren berri ematea eta, aldi berean, Nafarroako Gobernuaren barruan hartzen diren erabakiei buruzko informazio "zuzena eta egiazkoa" jasotzea, baita Espainiako Gobernuak eta Europar Batasunak hartzen dituzten erabakiei buruzkoa ere.
Elkarrizketa horren bidez, Foru Gobernuak ohar batean adierazi duenez, kaltetutako sektore eta enpresen egoeraren diagnostiko askoz ere zehatzagoa izatea espero da, Europar Batasunak eta Espainiako Gobernuak hartutakoekin bat egiteko modukoak izan beharko duten neurriak koordinatzeko.
Bost ardatz
Batzarrean, Chivitek ekiteko bost ardatz aipatu ditu. Zehazki, finantza eta zerga-laguntza planteatzen da, dirulaguntzak, kredituak eta abal-lerroak bideratuz; merkatuak dibertsifikatzea eta barne-kontsumoa sustatzea; industria birmoldatzea eta I+G+b sustatzea, Nafarroako enpresen lehiakortasuna hobetzeko; aholkularitza eta laguntza logistikoa; eta erakundeen arteko koordinazioa eta merkataritza aliantzen politika areagotzea.
Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.