BBVAk Sabadell erosteko operazioa ez baimentzea eskatu dio JxCatek Espainiako Gobernuari
BBVAk Sabadell erostea eragozteko eskatu dio Jordi Turull JxCateko idazkari nagusiak Pedro Sanchezen Gobernuari, "Kataluniako lehiakortasunean ondorio larria duelako".
Hedabideen aurrean egindako adierazpenetan, Turullek Espainiako Merkatu eta Lehia Batzordeak hartutako erabakia hizpide izan du. Izan ere, erakundeak BBVAk Banc Sabadell erosteko aukera babestu du, baldintza batzuekin bada ere.
"Kataluniak ezin du beste bankurik galdu. Kataluniarentzat kaltegarria den erosketa hau egitearen aurka gaude", salatu du Juntseko idazkari nagusiak.
Turullen ahotan, operazio horrek "epe ertain eta luzera eragin handia izan dezake enpresa txiki eta ertainen eta mikroenpresen kreditu eskuragarritasunean", horiek baitira "Kataluniako ekonomiaren motor nagusia".
Illari jarrera finkatzeko eskatu dio
Hori dela eta, Espainiako Gobernuari "ez baimentzeko" eskatu dio, eta Salvador Illa Kataluniako presidenteari eskatu dio "ez itxaroteko Pedro Sanchezek zer dioen" eta Juntsen jarrera bera hartzeko.
Pere Soler Espainiako Merkatu eta Lehia Batzordeko kideak, Juntsek eskatuta izendatutakoak, erabakiaren aurka egin ez izanaz galdetuta, Turullek nabarmendu du txostenean "Kataluniaren berezitasuna eta horrek Katalunian eragin ditzakeen lehia arazo larriak" aipatzea lortu zela.
Bere ustez, horrek "lege-babesa" ematen dio Estatuko Gobernuari akzioak erosteko eskaintza publiko oldarkor hori ez baimentzeko, "Kataluniaren kasuan lehia arazo larriak sor ditzakeelako".
"Orain politikaren garaia da", azpimarratu du Turullek, eta uste du "oinarri juridikoa eta babes legala" dagoela Estatuko Gobernuak operazioa gelditzeko "erabakia hartzeko".
Zure interesekoa izan daiteke
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
PSN eta Geroa Bairen arteko harremana zeharo tenkatu da: akordiorik gabe iritsi dira hezkuntza itunen inguruko osoko bilkurara
Geroa Baik zuzenketak ‘in voce’ aurkez ditzake osoko bilkuran, eta ikusteko dago EH Bilduk zer erabakitzen duen.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.
Nafarroako ikastolek uste dute oraindik badagoela "negoziatzeko tarterik" hezkuntza itunen inguruan
Nafarroako Parlamentuak UPNren lege-proposamena eztabaidatuko du ostegun honetan, ikasgelak aldatzeko irizpideak finkatzea helburu duena.
Pradalesek uste du Vatikanora egindako bisitarekin Euskadiren eta Egoitza Santuaren arteko harremana indartu egin dela
Imanol Pradales lehendakariak Leon XIV.a aita santua agurtu du Vatikanoko audientzia orokorrean, eta, ondoren, ia ordubetez bildu da Pietro Parolin Estatu idazkariarekin. "Balio sinboliko eta instituzional handiko topaketa izan da, Euskadiren eta Egoitza Santuaren arteko harremana sendotzeko aukera" ematen duela ziurtatu du.
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Pradalesek aita santua Euskadira gonbidatu du, eta "Gernika" lanarekin eta euskararekin lotutako opariak eman dizkio
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.