Sanchezek dio Abalosekin trukatutako mezuak filtratzea delitua dela; Feijook dimisioa eman dezala eskatu dio
Pedro Sanchez Espainiako Gobernuko presidenteak gaur Kongresuan nabarmendu duenez, Jose Luis Abalos ministro ohiarekin trukatu zituen WhatsApp mezuak hedabideei filtratzea "delitua" da. Alberto Nuñez Feijoo PPren idazkari nagusiak entzungor egin dio horri, eta dimisioa emateko eta hauteskundeak deitzeko eskatu dio beste behin.
"A zer gozatua duzuen filtrazioarekin, eta argi esango dut, delitua da", adierazi du Sanchezek auziari buruz egiten duen lehen adierazpen publikoan.
El Mundo egunkariak egunak daramatza, asteburutik, Espainiako presidentearen eta ministro ohiaren arteko elkarrizketa pribatuen zatiak argitaratzen. Gaur ere atera ditu mezuak, kasu honetan Air Europaren erreskatearen ingurukoak. Balizko elkarrizketa horretan Sanchezek Abalosi "hausnartzeko eta erreskatea ondo pentsatzeko" galdegiten dio, eta IAG konpainiaren (Iberiaren jabea) esku geratzearen kontrako iritzia ematen du.
Auzian nahasita egotea leporatu dio Alberto Nuñez Feijook: "Zuk dena zenekien, eta horregatik estali zenuen, parte hartu zenuelako". Hori horrela, dimititzeko eskatu dio beste behin: "Joan zaitez, deitu hauteskundeak".
Feijoori emandako erantzunean, Sanchezek PPri leporatu dio Espainiako Gobernuaren kontrako estrategia "politikaren judizializazioan, gezur eta desinformazioan" oinarritzea. Salatu duenez, "gu nekatzearen kontura irabazi nahi dituzue hauteskundeak, baina 2027koak jendea aspertuta daukazuelako galduko dituzue".
Sanchezen esanetan, sarraskijaleen gisan "barrukiekin entretenituta dagoen PP oposizioan dagoen bitartean, Gobernu hau herritarren bizimodua hobetzen ari da". Horren ustez, PPk uztailean egin behar duen kongresu nazionalak ez ditu "txarto dabilen lidergoaren zarata isilaraziko".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.