Eusko Jaurlaritzak eta Espainiako Gobernuak aurreakordioa lortu dute unibertsitateen dekretuaren gainean
Espainiako Gobernuko Zientzia, Berrikuntza eta Unibertsitateen Ministerioak lanean jarraitzen du datozen asteetan onartu asmo duen Unibertsitateen Dekreturako ekarpen eta hobekuntzak jasotzen. EAEri dagokionez, ANECAk eta erkidegoetako agentziek martxan dauden unibertsitateak nahiz unibertsitate berriak kalitate-zigiluen bidez sailkatzeko Eusko Jaurlaritzak egindako proposamena aintzat hartu du, eta neurri hori dekretuan jasotzea onartu du Espainiako Gobernuak.
Hala jakinarazi du ohar batean Eusko Jaurlaritzako Zientzia, Unibertsitate eta Berrikuntza Sailak, atzo bi aldeen artean izandako bileraren ostean. Hain zuzen ere, atzo bildu ziren 640/2021 Errege Dekretuaren aldaketa eztabaidatzeko Juan Ignacio Perez Iglesias sailburua, Juan Cruz Cigudosa estatu-idazkaria eta bien lantaldeak.
Eusko Jaurlaritzaren esanetan, bileran agerian gelditu zen bi erakundeak bat datozela "unibertsitateen kalitatea bermatzeko beharrean" eta, gainera, helburu hori lortzeko bidean ere puntu askotan ados daudela azaldu dute.
Ministerioak zehaztu duenez, Lakuak kalitate-zigiluen gainean egindako proposamena Dekretuaren mamiarekin "bateragarria" da, baina, azpimarratu duenez, ez dira lotesleak izango.
Elkarrengana gerturatu badira ere, Ministerioak oraindik arrakala handi bat du gainditzeko, eskumenak direla eta sortutakoa, hain zuzen ere. Izan ere, Unibertsitate Politikako Konferentzia Nagusian sailburuak argi utzi zuen ez duela dekretua Ministerioak aurkeztutako terminoetan onartuko, uste baitzuen Estatuak ezin zuela unibertsitate telematikoen eskumena bere gain hartu.
Sailburuak asmoa zuen eskumen hori Estatuaren esku uzten zuen atala dekretutuik kentzea eskatzeko, euskal autogobernua "urratzen" zuelako, eta hori"marra gorria" da Jaurlaritzarentzat.
Perez Iglesiasen sailak jakinarazi duenez, datozen egunetan bi aldeek elkarrekin lanean jarraitzeko konpromisoa hartu dute, "batez ere on-line ikasketak eskaintzen dituzten unibertsitateen gaineko eskumenen arloko desadostasunak" gutxitu eta bat egiteko.
Zure interesekoa izan daiteke
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.