EAJ-PSEren gobernua defendatu eta EH Bildu eta PP kritikatu ditu Estebanek Azkoitiko batzokiaren inaugurazioan
Euzko Alderdi Jeltzaleak ekitaldia egin du gaur Azkoitian, batzokia inauguratzeko. Aitor Esteban EBBko presidentea eta Maria Eugenia Arrizabalaga Gipuzko Buru Batzarreko presidentea izan dira bertan, eta lehenak ez dio iskin egin azken egunotan migrazioa dela eta Eusko Jaurlaritzako bi kideen artean piztu den polemikari.
Euskadi "herri abegikorra" dela defendatu du Estebanek, eta, era berean, PSE-EErekin duten gobernu koalizioak "harmonikoki" funtzionatzen duela eta "irmoa" dela berretsi du. Hala, "nahasmenean arrantza egin nahi dutenak" kritikatu ditu, EH Bilduri eta PPri erreferentzia eginez.
Gainera, Euskadi gidatzen jarraitzeko eta "autogobernu eta ongizate maila handiagoetara" eramateko jeltzaleen "eredua eta indarra" aldarrikatu ditu. "Badakigu nor garen, zer garen eta zer Euskadi nahi dugun", esan du.
Migrazioaren gaia "delikatua" dela adierazi du, Estatuarena dela eskumena, baina, era berean, bai publikoki bai pribatuan, Espainiako Gobernuari hainbat erabakirekiko desadostasuna helarazi dietela ere gaineratu du.
Gogoratu duenez, euskal herritar askok "emigratu egin behar izan dute, batzuetan behar ekonomikoengatik, beste batzuetan jazarpen politikoagatik". "Ez dezagun inoiz ahaztu. Gaur egun, euskal gizarteak argi ikusten du desberdintasunez eta gatazkez jositako mundu honetan biztanleriaren joan-etorriak kopuru handietara iristen ari direla. Eta horrek interpelatu egiten gaitu, eta leku eta kultura askotatik etorritako jendea integratzeko erronka planteatzen digu", azpimarratu du.
Ildo horretan, "gizartean integratzeko biderik onena lana" dela defendatu du Estebanek. "Eta hori mundu guztiak ulertzen eta onartzen du, bai migratzaileek, bai bertakoek", gaineratu du; izan ere, "hori da beste herrialde batera iristen den jende gehienak bilatzen duena".
Euskararen ofizialtasuna
Aitor Esteban euskaren ofizialtasunari buruz ere aritu da, eta asteartean Bruselan egingo den eztabaidaren garrantzia azpimarratu du. "27a ospakizun eguna izan daiteke Euskal Herriarentzat. Urrats garrantzitsua litzateke gure hizkuntzaren eta gure herriaren errekonozimenduan", adierazi du.
Gai honetan PP izaten ari den jarrera "lotsagarria" dela ere esan du, eta Europan euskararen ofizialtasuna eragozteko egiten ari den kanpaina "gogorra" salatu du.
Euskal selekzioa
Beste mugarri bat ere aipatu du jeltzaleen buruak; ekainaren 1etik aurrera, Euskal Selekzioak Gernikan egingo den Zesta Puntaren Nazioen Ligan parte hartuko duela, hain zuzen ere.
Horren harian, PP euskal selekzioaren kontra egiten ari den kanpaina salatu du, eta EH Bildu Kongresuko bozketan abstenitu egin zela gogorarazi du. "Astebetean euskal selekzioa nazioartean lehiatzen ikusita gozatuko dugu, eta hori EAJk lortu du", aldarrikatu du.
Albiste gehiago politika
Kataluniarentzako eta hala nahi duten erkidegoentzako finantziazio berezi berriaren gakoak
Aurreikusitako ereduak, hasteko, zerga-bilketa osoa Generalitatearen esku uzten du, eta baliabide horien zati bat Estatuari ematea aurreikusten du, erkidegoari eskaintzen dizkion zerbitzuen ordainetan.
Espainiako Gobernuak eta Generalitateak diru-sarreren araberako finantzaketa-eredua hitzartu dute, baina ez dute zehaztu datarik ezta kopururik ere
Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.
Borja Semperrek (PP) minbizia antzeman diotela iragarri du
Alderdi Popularreko bozeramaileak adierazi duenez, ohiko mediku-azterketa batean tumore bat atzeman diote, eta "tratamendu zorrotza" beharko du. Dena dela, "sendatuko" dela berretsi diote medikuek.
Borja Semperrek minbizia duela eta tratamendua hasiko duela iragarri du
PPk Kongresuan duen bozeramaileak prentsaurrekoan iragarri duenez, tumorea ohiko azterketa batean atzeman zioten: "Lehen fasean dago, eta sendatzeko aukerak daudela esan didate".
Mertxe Aizpurua (EH Bildu): "Gehiengo abertzaleari erantzun behar dio Espainiako Gobernuak eta zintzilik dauden transferentzia guztiak eskuz aldatu"
EH Bilduk Diputatuen Kongresuan duen bozeramailearen arabera, "alderdi abertzaleek ados jarri beharko genuke" eskualdatzeko dauden eskumenak transferitzeko. Gogorarazi du horien artean Gizarte Segurantzaren kudeaketarena dagoela, eta azpimarratu du, zaila izan arren, euskal indar abertzaleek elkarrekin eskatu beharko lioketela Espainiako Gobernuari hartutako konpromisoa betetzeko.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek biharko hitzorduan
Transferentzien Aldebiko Batzordea Madrilen bilduko da bihar, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.
Espainiako Gobernua eta Generalitatea finantziazio-eredua sinatzeko dira, beste erkidego batzuk mesfidati agertu diren arren
Espainiako Gobernuaren eta Generalitatearen arteko Aldebiko Batzordea 12:00etan egingo da, Bartzelonan, mahai gainean finantzaketa-eredu berezia duela. PSCren eta ERCren arteko akordioaren emaitza da, eta orain bi exekutiboek onartu dute, baina xehetasunak aletu beharko dituzte.
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.