Erakundeek eta alderdi politikoek Bilboko hilketa matxista gaitzetsi dute
Politikari eta erakundeek gogor gaitzetsi dute Bilboko hilketa matxista. Imanol Pradales lehendakariak, Emakundek, EAJko, EH Bilduko eta PSE-EEko ordezkariek, Espainiako Gobernuko ordezkariak eta Yolanda Diaz presidenteordeak elkartasuna adierazi diote biktimaren familiari, eta indarkeria matxista desagerraraztea exijitu dute, horren egiturazko izaera eta biktima ahulenak babesteko beharra azpimarratzeaz gain.
Imanol Pradales lehendakariak Bilbon gertatutakoa gaitzetsi, eta "ikerketak gertatutakoa zorroztasunez eta errespetuz argitzea" espero duela azpimarratu du. "Lehenengo zantzu guztiek esaten digutena da bortizkeria matxista izan dela, bikarioa, eta hori da gertatu daitekeen gauzarik krudelena", esan du.
Ohar batean, Emakundek "irmo" gaitzetsi du hilketa. Gertatutakoa "indarkeria bikarioa izan daiteke", horren esanetan.
"Indarkeria matxistaren gogortasuna eta izaera estrukturala" gogorarazi dute, baita "harreman mota ezberdinetara hedatzeko, transmititzeko eta egokitzeko duen gaitasuna" ere.
Bilboko Udaleko talde politikoek adierazpen instituzionala egin dute, eta, bertan, gaitzespena eta sumina adierazteaz gain, "indarkeria matxista bere forma guztietan desagerrarazteko konpromisoa" berretsi dute, eta "herritarrei "jarrera aktiboa erakusteko eta indarkeria matxistaren aurrean erantzukizun indibiduala eta kolektiboa hartzeko" eskatu diete.
Bizkaiko Batzar Nagusiek "adingabe baten hilketa gaitzetsi" dute, eta talde guztiek elkartasuna adierazi diete biktimaren senide eta lagunei. "Erailketek indarkeria matxistaren eta indarkeria bikarioaren arazoaren zati bat baino ez dute erakusten, eta emakumeen eta gizonen arteko desberdintasunetan sortzen da arazo hori", jaso dute adierazpenean.
Bestalde, Yolanda Diaz Espainiako Gobernuko bigarren presidenteordeak doluminak adierazi dizkio biktimaren familiari, eta "gaur Bilbon bizitzen ari garena benetako drama" dela salatu du.
Marisol Garmendia Espainiako Gobernuak Euskadin duen ordezkaria "atsekabetuta eta izututa" agertu da Bilbon izandako hilketaren aurrean.
Sare sozialetan, Bilboko EAJk "emakumeen eta horien seme-alaben aurkako genero-indarkeria" gaitzetsi du, eta "indarkeria matxista erabat desagerraraziko duten politikak" bultzatzen jarraitzeko konpromisoa azpimarratu du.
Antzeko adierazpenak egin ditu Pello Otxandiano EH Bilduko bozeramaileak sare sozialetan: "Genero indarkeriaren eta indarkeria bikarioaren aurpegirik gordinena dira".
PSE-EEko idazkari nagusi Eneko Anduezak "ahulenak, genero-indarkeriaren biktimak eta indarkeria pairatzen duten haurrak babesteko" betebeharra azpimarratu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.