Bilboko kaleak ikurrinez betetzeko deia egin du Gure Eskuk
"Herri libre bat. Euskal Herriak erabaki!" lelopean, mobilizazio nazionalean parte hartzeko eta Bilboko kaleak ikurrinez betetzeko deia egin du Gure Eskuk, erabakitzeko eskubidearen aldeko mugimenduak. Manifestazioa Bilboko Casilla plazatik abiatuko da gaur arratsaldean, 17:30ean.
Asteazken goizean Gure Eskuren ordezkariek Bilbon egin zuten prentsaurrekoan azaldu zutenez, gaurkoa "funtsezko hitzordua" da "euskal nazioari bultzada emateko, burujabetzaren bidean urratsak egiteko eta erabakitzeko eskubidea gauzatzen hasteko".
Josu Etxaburu Gure Eskuren bozeramailearen arabera, "ezer ez da lortu herri honetan herri aktibaziorik gabe". Hori dela eta, herri aktibazioa "ezinbestekoa" izango da, horren ustez, "herri gisa aurrera egingo badugu".
Etxabururen esanetan, Euskal Autonomia Erkidegoan, Nafarroan eta Ipar Euskal Herrian "zabalik daude" burujabetzaren bidean, eta euskal lurraldeen artikulazioan pausoak emateko "aukera" eman dezaketen prozesu eta eztabaidak. Testuinguru horretan, herritarren bultzadaren ekarpena sustatu nahi du gaurko mobilizazio nazionalak.
Halaber, Gure Eskuk "Autonomia kalea ikurrinen kalea" izatea nahi du, eta herritarrei mobilizaziora ikurrina eramateko deia egin du Mirian Campos Gure Eskuko kideak.
"Zalantzarik gabe, larunbatekoa herri-agerraldi bat izango da. Herri-selfie bat egingo dugu, eta munduak garen modukoak bezala ikusiko gaitu: herri anitz bat, bere hizkuntzaz eta kulturaz harro dagoena, bere ikurrak maite dituena", gaineratu du.
Mobilizazio nazionala arratsaldean izango bada ere, Gure Eskuk egun osoko egitarau zabala prestatu du, goizetik gaueraino. Bertsolariak, musika, pailazoak, erraldoiak, txistulariak eta trikitilariak, herri-kirolak eta abar izango dira Bilboko hainbat gunetan. Halaber, martxaren bukaeran, Sol Band Palestinako taldea arituko da Bilboko udaletxe ondoko oholtzan.
Atxikimenduak
Euskal Herriko esparru ugaritako dozenaka pertsona atxiki dira mobilizaziora: kulturgileak (Agurtzane Intxaurraga, Aitziber Garmendia, Aiora Zulaika "Pirritx", Jose Mari Agirretxe "Porrotx", Mertxe Rodriguez "Marimotots", Iker Galartza, Itziar Ituño, etab.), musikariak (Gozategi, Anje Duhalde, Bulego, Dupla, Gatibu, Olatz Salvador, Skabidean, Zetak, etab.), kazetariak, esparru akademikokoak... Gizarte eragile ugarik ere bat egin dute deialdiarekin: ELA, LAB, Steilas, Hiru eta EHNE sindikatuak, Etxalde mugimendua, Bilgune Feminista, Euskalgintzaren Kontseilua, pentsiodunen mugimendua, eta Egi eta Ernai gazte antolakundeak, besteak beste.
EAJ, EH Bildu, EH Bai eta Podemosek ordezkaritza bidaliko dute
EAJk, EH Bilduk, EH Baik eta Podemosek Bilboko gaurko mobilizaziora ordezkaritza bidaliko dutela baieztatu diote Gure Eskuri.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.