EH Bilduk eta EAJk "gardentasuna" eskatu diote PSOEri, Cerdani buruzko UCOren txostena iritsi zain
Santos Cerdan, atzo, Kongresuan
Ustez, Santos Cerdan PSOEren Antolakuntza idazkaria legez kanpoko komisioekin lotzen duten hainbat informazioren aurrean, UCOren txostenaren zain egotea defendatu dute EH Bilduk eta EAJk. Edonola ere, "gardentasuna" eskatu diote Alderdi Sozialistari.
"Oraindik ez dakigu filtrazioetan esaten ari dena zenbaterainokoa den, eta berri gehiago izan arte itxarongo dugu. Hala ere, gardentasuna eta informazioa eskatzen ditugu", esan du Maribel Vaquero EAJren Kongresuko bozeramaileak ganberara iritsi berritan.
Ildo beretik mintzatu da EH Bilduko diputatua, Jon Iñarritu. Ez du baloraziorik egin nahi izan behin betiko informazioa izan arte, filtrazioetatik harago "ezer gutxi" jakin delako.
Sanchezen inbestidura babestu zuten hainbat taldek ere azalpenak eskatu dizkiote PSOEri.
Compromis kezkatuta agertu da Cerdani buruz argitaratu diren informazioen harira, eta herritarrek Gobernuaren azalpenak beha dituztela azpimarratu du.
Coalicion Canariak, berriz, nazioaren egoerari buruzko eztabaida bat egitea eskatu du gaiari buruz hitz egiteko. Halaber, errudunak bilatzea epaileen lana dela adierazi du.
PSOErekin gobernu koalizioan dagoen Sumar alderdiak ere "gardentasuna" eskatu dio PSOEri, Cerdanen aurkako "akusazio larrien" aurrean.
Oposizioko taldeek Sanchezen gaineko presioa areagotu dute
Miguel Tellado PPk Kongresuan duen bozeramaileak azalpenak emateko eskatu dio koalizio gobernuari. Harago joan da eta dimisioak eta hauteskundeak aurreratzea nahi du. "Gaur Pedro Sanchezek agerraldia egin beharra du, gaur kongresura etorri behar duela baliatuta", esan du kongresuko pasilloetan.
Voxek, bere aldetik, UCO txostenaren ezagutu ostean dago eginbide judizialak abiatzeko asmoa agertu du.
Hainbat hedabidek zabaldutako informazioaren arabera, Guardia Zibilaren UCO unitateak eskuratutako grabazio batean Santos Cerdan PSOEko antolakuntza idazkaria entzuten da hainbat enpresak zor dieten diruari buruz hizketan, Jose Luis Abalos Garraio ministro ohiarekin eta horren aholkulari izandako Koldo Garciarekin.
Guztira, zorra 400.000 euro ingurukoa litzateke, ikertzaileen arabera, obra publikoak esleitzearen truke eraikuntzako enpresei komisioak kobratzeagatik.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.