Sanchezek jarraitu egingo duela adierazi die militanteei, eta salatu du "eraso moral" baten aurrean daudela
PSOEko idazkari nagusiaren esanetan, "bizi dugun une zailak ez digu perspektiba galarazi behar", eta horregatik jarraituko du aurrera Gobernu aurrerakoiak.
Pedro Sanchez, astelehenean, PSOEren Batzorde Exekutiboaren bileran. Argazkia: EFE
Pedro Sanchez Espainiako gobernuburu eta PSOEren idazkari nagusi ere badenak gutuna bidali die militanteei, Santos Cerdan Antolakuntza idazkariak ustelkeria kasu bat dela eta dimisioa eman eta bere diputatu akta entregatu ostean. Buruzagi sozialistaren arabera, gobernu progresistak aurrera egingo du, eta sozialisten aurkako "eraso moral" bat salatu du. Halaber, ustelkeriari buruzko eztabaida bat egitea proposatu du.
Cerdan obra publikoen kontratuetan legez kanpoko komisioak kobratzearekin lotu duen auziaren ondoren, alderdi barruan nagusi diren "mina, haserrea, etsipena eta tristura" partekatzen dituela onartu du Sanchezek militanteei zuzendutako eta sare sozialetan zabaldutako gutunean.
Erantzukizun "handiak" izan dituztenek alderdiaren eta herritarren konfiantza traizionatu izanak "denei" min egiten diela onartu du Sanchezek, baina horren ustez kontuan hartu behar da Alderdi Sozialistak, beste batzuek ez bezala, lehen unetik "irmotasunez" jardun duela eta nahastuta omen daudenek karguak utzi egin dituztela.
Sanchezek barkamena eskatu du beste behin 'Cerdan auzia'gatik, eta aukera baliatu du PPren aurka egiteko. "Guk huts egiten dutenak kanporatzen ditugu, beste batzuek babestu egiten dituzte", gaineratu du.
Bestalde, Sanchezek berretsi du ez zuela UCOren txostenaren berri izan pasa den ostegun goizera arte. Bere hitzetan, horrek erakusten du Gobernuak ez duela ikerketa judizialetan parte hartzen, herrialdearen "osasun demokratikoaren" erakusgarri.
Aldi berean, txosten horren edukia eskuinaren zerbitzura jarri izana gaitzetsi du, "gobernu legitimo" bat eraisten saiatzeko.
Azkenik, bere aurkako zentsura mozioa aurkeztera gonbidatu ditu PP eta Vox alderdiak, baldin eta herri proiektu alternatibo bat mahai gainean jartzen badute.
Politikari buruzko albiste gehiago
Albaresek "geroratze-taktikak" ikusten ditu EBn euskararen ofizialtasunari buruzko erabakia berriro atzeratzean
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.
Tortura delituaren definizioa nazioarteko estandarretara egokitzeko eskatu dio NBEko Giza Eskubideen Batzordeak Espainiako Estatuari
Alde horretatik, Batzordeak mekanismo independente bat eratzea eskatu du, segurtasun-indarren tortura- eta tratu txar-salaketa guztiak ikertzeko, eta deitoratu du delitu horrek 15 urterekin preskribatzea.
Busturialdea-Urdaibai eskualdeak 303,4 milioi euroko inbertsioa jasoko du
Eskualdeko ekonomia-, gizarte- eta hiri-garapena sustatzen duten hainbat proiektu garatuko dira. Autzagane-Muxika errepidea hobetzea eta Bermeoren eta Muxikaren arteko bidegorri-sarea handitzea dira horietako batzuk.
Ibone Bengoetxea: "Europa ezin da eraiki bere aniztasuna ukatuz"
Ibone Bengoetxea lehendakariorde eta Kultura eta Hizkuntza Politikako sailburuak azpimarratu du euskara hizkuntza bizia dela, euskal herritarrena eta Europako ondarearen zati bat, eta gogorarazi du Europa ezin dela eraiki bere aniztasuna ukatuz. Hala, berretsi du Europan euskararen ofizialtasuna lortzeko Jaurlaritzak esparru guztietan lan egiten jarraitzeko borondate irmoa duela, eta inplikatutako erakunde guztien ahalegin diplomatikoa eskertu du.
Europar Batasuneko herrialdeek katalanaren, euskararen eta galizieraren ofizialtasunari buruzko bozketa atzeratu dute
Hainbat herrialdek adierazi dutenez, "oraindik ez da une egokia" hizkuntzen ofizialtasuna onartzeko, eta alderdi politiko, ekonomiko eta juridikoei buruzko zehaztasun gehiago eskatu dute.
Burgos-Gasteiz abiadura handiko trenaren aurreneko zatiaren eraikuntza esleitu dute
Azpiegitura horrek abiadura handiko sarearekin eta Atlantikoko korridorearekin lotuko du Euskal Autonomia Erkidegoa (EAE). Halaber, Arkauteko lotunea eraikitzeko proiektuaren idazketa esleitu da ere bai.
Ultraeskuinaren gorakadak eskatzen du “erreakzio nazional handi bat” eta agenda kontrajarria mahai gainean jartzea, Otxandianoren arabera
Pello Otxandiano EH Bilduko Legebiltzarreko bozeramailearen iritziz, ultraeskuina borroka kulturala irabazten ari da eta horren aurrean "erreakzionatu" egin behar da, eta "agenda erreakzionario" horri agenda "demokratizatzailea, ezkerrekoa" kontrajarri.
Cristobal Montoro inputatuta dagoen ustelkeria sarearen gakoak: komisioak gas-enpresei laguntzeko legeen truke
Orduko Ogasun ministroak sortutako abokatu bulegoak "influentzia sare" bat sortu zuen, ustez, dirua biltzeko, gutxienez bost konpainiaren interesen aldeko legeak egitearen truke.
Albiste izango dira: Euskararen ofizialtasuna Europan, indarkeria matxistaren erradiografia eta Donostiako Jazzaldia
Gaurkoan albiste izango direnen laburpena, bi hitzetan.
EBko ministroak euskararen, katalanaren eta galizieraren ofizialtasuna aztertzen ari dira
Luxenburgok, Poloniak eta Frantziak diote oraindik ez dela "une egokia" hizkuntzen ofizialtasuna onartzeko, eta zehaztasun gehiago eskatzen dituzte arlo politiko, ekonomiko eta juridikoei buruz.