"Ziurgabetasuna areagotzen" ari den garaiotan "arriskatzen jarraitzeko" eskatu die Pradalesek sailburuei
Legealdiaren lehen urteurrena dela eta, Ajuria Enean bildu da gaur Gobernu Kontseilua, eta ondorengo prentsaurrekoan hitz egin du lehendakariak, urtebeteko balantzea egiteko.
"12 hilabetean, munduaren argazkia are gehiago aldatu da. Eta ziurgabetasuna arindu beharrean, egunez egun areagotzen joan zaigu; nabarmen, gainera". Horren aurrean, bizirauteko "sekretu bakarra" da "arauak geure egin" eta "ausardiaz" partida honetan "jokatzen asmatzea".
Mezu hori igorri dio bere lantaldeari gaur Imanol Pradales lehendakariak, Gobernu Kontseiluaren bileran. Legealdiaren lehen urteurrena dela eta, Ajuria Enean bildu dira gaur, eta hitz egindakoaren berri emateko prentsaurrekoan, Pradalesek hartu du parte, hedabideen aurrean lehen urtebeteko balantzea egiteko.
Kargua hartu eta lehen Gobernu Kontseilua zuzendu zuenekoa gogora ekarriz abiatu da. Esan du orduan botatako baieztapena "indartu besterik" ez dela egin azken 12 hilabeteotan, eta "ziurgabetasun" hitza behin baino gehiagotan erabili du, gaurkoan ere, "gure garaian ezaugarri nagusia" hori delako, bere hitzetan.
Horregatik, "arriskatzen jarraitzeko" eskatu die sailburuei, eta iritzi dio "bide onetik" doazela, "akatsak" egon direla onartu arren.
Besteak beste, Osasun, Etxebizitza, Hezkuntza eta enplegu arloetan martxan jarritako ekimenak azpimarratu ditu, eta horien helburua "autogobernuan aurrera" egitea dela gehitu.
Aurrera begira, berriz, bide-orria ezarrita dagoela azaldu du: zerbitzu publikoak indartzea; inbertsio eraldatzaileak, Euskadi etorkizunerako prestatzea; eta komunitate gisa sendotzea, herri bezala aurrera egiteko. Hiru lehentasun horiek ditu azpimarratuta Eusko Jaurlaritzak.
"Gizartearekin batera" egin nahi du bidea lehendakariak, eta "etengabeko elkarlana nahi eta behar" duela adierazi du, horri esker lortzen delako "autoexijentzia" egunero elikatzea.
Munduan gertatzen ari diren liskarren aurrean, diplomaziaren aldeko apustua ere egin du Gasteizko gobernuburuak. Armen ordez "elkarrizketa" eta "diplomazia" erabiltzea eskatu du.
Horiek esanda, "hartutako bideari tinko" eusten jarraituko duela esan du, "distrakziorik gabe”.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.