Babes-helegiteak ebatzi arte zain egon beharko dute Puigdemontek eta Junquerasek
Konstituzionalak Amnistiaren Legea babestu izanak ez du bi politikarien egoera praktikan aldatzen. Presidente ohiaren abokatuak hurrengo egunetan helegitea jarriko duela adierazi du. Junquerasek, berriz, jarrita dauka berea, eta Konstituzionalaren pausoa txalotu duen arren, salatu du Auzitegi Gorenak ez duela legea aplikatu nahi.
Oriol Junqueras eta Carles Puigdemont artxiboko irudi batean
Carles Puidgemonten eta Oriol Junquerasen egoera ez da aldatu, nahiz eta ostegun honetan Auzitegi Konstituzionalak Amnistia Legea babestu duen. Auzitegi Konstituzionalean babes-helegitea jarri eta ebatzi arte zain egon beharko dute.
Presidente ohiaren abokatu Gonzalo Boyek gaur aurreratu du helegite hori prestatzen ari dela eta hurrengo egunetan jarriko duela. Junquerasek, ostera, jarrita du berea. Bien bitartean, aurrerapausotzat jo du Auzitegi Konstituzionalaren gaurko erabakia, baina salatu du Auzitegi Gorenak ez duela legea aplikatu nahi.
Gonzalo Boyek Catalunya Radion eta TV3n esandakoaren arabera, babes-helegitearen bidez, Puigdemonti Amnistia Legea ezarri diezaiotela eskatu du, baita diru-publikoa bidegabe erabiltzeko delituagatik ere.
Gainera, babesa aplikagarria izan dadin eta atxilotuko duten arriskurik gabe Kataluniara itzultzeko aukera izan dezan, kautelazko neurriak ere eskatuko ditu. Zehazki, Pablo Llarena Auzitegi Goreneko epaileak emandako atxilotzeko agindua indargabetzea galdegingo du.
Oriol Junquerasek, berriz, X sare sozialeko bere kontuan eman du iritzia.
Konstituzionalaren erabakia “askatasunen borroka demokratikoaren defentsan aurrerapausoa” dela adierazi du. Hala ere, salatu du bere eta beste hainbaten egoera ez dela aldatuko, “Auzitegi Gorenak legea aplikatzea eragotzi” nahi duelako.
Hain zuzen ere, Puigdemont, Junqueras eta beste hainbat buruzagi independentistari Auzitegi Gorenak ez zien amnistia legea aplikatu diru publikoa bidegabe erabiltzearen delituari dagokionez. Gaurko ebazpenean ere ez da delitu hori aipatzen. Epaileek legeak Konstituzioan tokirik ote duen aztertu dute, ez zein kasutan aplikatu behar den.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.