Espainiako Gobernuak gastu militarrerako premiazko maileguak emango dizkie Indra, Airbus eta beste enpresa batzuei, zenbatekoa zehaztu gabe
Espainiako Gobernuak ez du maileguen zenbatekoa zehaztu, eta Indra eta Airbus konpainiei ez ezik, beste enpresa batzuei ere maileguak premiaz emateko baimena eman du, baina ez du izenik jakinarazi.
Espainiako Armadaren F-100 eta F-80 ontziak. Artxiboko irudia: Flickr
Espainiako Gobernuak gaur Ministroen Kontseiluan baimena eman du Indra, Airbus eta beste enpresa batzuei Segurtasunerako eta Defentsarako Industria eta Teknologia Egitasmoan jasotako modernizazio-programen garapen industrialerako maileguak zuzenean ematea arautzen duen errege-dekretua premiaz izapidetzea. Horren bidez, 10.471 milioi bideratzen dira Espainiako gastu militarra areagotzeko, BPGren % 2ra iristeko.
"Hori errege-dekretu baten bidez egingo da, Dirulaguntzei buruzko Lege Orokorrean aurreikusitakoaren arabera. Arau horrek prozedura hori ahalbidetzen du , deialdi publikoa eragozten duten interes publiko, sozial, ekonomiko edo humanitarioko arrazoiak daudelako, kasu honetan bezala", argudiatu du Espainiako Gobernuak gaurko Ministroen Kontseiluan.
"Premiaren oinarria da Segurtasunerako eta Defentsarako Industria eta Teknologia Egitasmoa abian jartzea, segurtasun eta defentsa inbertsioen arloan nazioarteko konpromisoak betetzeko, NATOk joan den ekainaren 25ean Hagan egindako goi-bileran berretsitakoak", gaineratu du Pedro Sanchezen Gobernuak.
Espainiako Gobernuak ez du maileguen zenbatekoa zehaztu, eta Indra eta Airbus enpresei ez ezik, beste konpainia batzuei ere maileguak premiaz ematea baimendu du, baina ez du beste izenik jakinarazi.
Bestalde, Defentsa Ministerioak 6,34 milioi euroko kontratu publikoa esleitu dio Norvegiako Kongsberg konpainiari, Navantiak Espainiako Armadarentzat egiten duen BAM-IS ontzi berrirako urpeko ibilgailu autonomo bat erosteko.
Navantia joan den abenduan hasi zen Cadizeko ontziolan BAM IS ontziaren eraikuntza. 5.000 tonatik gorako itsasontzia da, eta 400 metro karratu inguruko bizkarra izango du.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.