UCIk Pedro Sanchez kritikatu du "manifestariekiko miresmena" adierazteagatik eta "espiritu olinpikoaren aurka" joateagatik
Txirrindularitzaren nazioarteko erakundeak gaitzetsi egin du "kirolaren instrumentalizazioa helburu politikoekin, oro har, eta bereziki gobernu baten aldetik". Gainera, zalantzan jarri du "Espainiak kirol ekitaldi handiak hartzeko gaitasuna duenik".
Israelen aurkako protestak Vueltako Madrilgo etapan. Argazkia: EFE
Nazioarteko Txirrindularitza Elkarteak (UCI) "erabateko gaitzespena eta kezka" agertu ditu Espainiako Vueltaren 2025eko edizioan izandako istiluengatik eta "Espainiak nazioarteko kirol ekitaldi handiak hartzeko duen gaitasuna zalantzan" jartzen dutela adierazi du.
Palestinaren aldeko eta Israelen aurkako protestak izan ziren, beste behin, igandean Madrilen amaitu zen La Vueltako azken etapako protagonistak. Israel-Premier Tech taldearen parte-hartzeak eragin ditu mobilizazioak. Manifestari batzuek ibilbidea inbaditu ondoren, etapa bertan behera gelditu zen.
UCIk argitaratutako ohar batean salatu duenez, "ia egunero militanteek lasterketa nahasi dute". "Jendea ibilbidean sartu, gernua jaurti eta txirrindulariak arriskuan jarri" dituztela adierazi dute, "erorikoak eta lesioak" ere izan direla aipatuz.
Era berean, UCIren arabera, "lasterketaren antolatzaileek azkar eta lasai erreakzionatu zuten, probaren jarraipena bermatzeko larrialdiko neurriak ezarriz", eta haien "profesionaltasun eredugarria" goraipatu du, "kirolaren autonomia eta independentzia errespetatuz".
Azpimarratu duenez, protesta ekintza hauek "Gutun Olinpikoaren eta kirolaren oinarrizko printzipioen urraketa larria dira".
Horrez gainera, erakundeak zuzenean aipatzen du Pedro Sanchez presidentea oharrean: "Espainiako Gobernuko presidenteak eta bere taldeak kirol lehiaketa baten barruan egindako ekintzak babestu izana eta maniestariekiko miresmena adierazi izana sentitzen dugu".
UCIk zalantzan jartzen du "segurtasun baldintzak betez eta Gutun Olinpikoaren printzipioekin bat etorriz, Espainiak nazioarteko kirol ekitaldi handiak hartzeko duen gaitasuna".
Azkenik gaitzetsi egin du "kirola helburu politikoekin erabiltzea, oro har; bereziki gobernu baten aldetik". "Kirolak autonomoa izaten jarraitu behar du bakearen zerbitzura dagoen tresna gisa duen eginkizuna betetzeko. Onartezina eta kaltegarria da gure kirola bere misio unibertsaletik aldentzea".
Politikari buruzko albiste gehiago
Tellado: "EH Bilduren kopia txar bat bihurtu da EAJ"
Miguel Tellado Alderdi Popularreko idazkari nagusiaren ustez, EAJ "oso denbora gutxian, gaizki zahartu da", "EH Bilduren kopia txar bat bihurtu" da eta "jada, ez da zentro-eskuineko alderdia". Buruzagi popularraren arabera, "PP da alternatiba posible bakarra".
UPNk “erantzukizunak bere gain hartzeko” eskatu dio Nafarroako Gobernuari Belateko esleipenaren harira
Javier Esparzak adierazi duenez, Gobernuak "azalpenak eman beharko” ditu. “Santos Cerdanen enpresa bati 76 milioi euroko lanak zergatik” eman zizkion eta “deuseztagarritzat jo den prozedimentua” zergatik erabili zen azaldu beharko duela dio UPNko bozeramaileak.
Andueza, estatus politiko berriaz: "Legetik kanpoko zerbait sartzen badute testuan, PSE-EEk ez du babestuko"
Eneko Andueza PSE-EEren idazkari nagusiak esan duenez, estatus berriaren negoziazioan "muinean ados" daude, baina "arazoa betikoa" da. "Legetik kanpoko zerbait sartzen badute bide-orrian, PSE-EEk ez du testua babestuko", zehaztu du.
Nafarroako Gobernua ez dator bat OANAk Belateko esleipenaren deuseztagarritasunaz esandakoarekin
Oscar Chivite Lurralde Kohesiorako kontseilariak komunikabideen aurrean azaldu duenez, adjudikazio prozesua Nafarroako Kontratazio Legea jarraituz egin zen eta Belateko tuneleko lanak ez dira geldiaraziko.
PSN: "Irregulartasun administratibo bat ez da legez kanpoko zerbait, eta are gutxiago, ustelkeria"
Jardunbide Egokien eta Ustelkeriaren Aurkako Nafarroako Bulegoaren txostenaren ondoren, PSNk dio "frogatuta" geratu dela "Nafarroako Gobernuaren barruan ez dagoela ustelkeriarik, ezta legez kanpoko jardunbiderik ere".
Erripagañan 62 BOE eraikitzeko egindako kontratua ere jomugan jarri du Nafarroako Ustelkeriaren Aurkako Bulegoak
Ustelkeriaren Aurkako Bulegoaren ustez, Nasuvinsa enpresa publikoak Erripagañan babes ofizialeko etxebizitzak eraikitzeko egindako kontratuaren nondik norakoetan, "urraketa ageriko eta nabarmen ugari" daude. Jose Maria Aierdi Nafarroako Gobernuko Landa Garapeneko eta Ingurumeneko kontseilari eta Nasuvinsako zuzendari kudeatzaile ohiak defendatu duenez, baina, "ez zen enpresa baten aldeko traturik egon".
Pedro Sanchezek eskatu du Israelek ez dezala inolako kirol lehiaketatan parte hartu "basakeriak irauten duen bitartean"
Diputatuen Kongresuan parlamentu arteko batzordearen bileran, diputatu, senatari eta europarlamentari sozialisten aurrean, Sanchezek ezinegona erakutsi du lehen Ukrainaren inbasioaren ostean Errusia kanporatu zen gisan, ez delako orain gauza bera egiten Israelekin. Diazen iritziz, "Israelek ezin du ez Eurovisionen ez beste edozein lekutan normaltasunez parte hartu Palestinan genozidio bat betikotzen ari den bitartean".
Ustelkeriaren aurkako Bulegoak "erabat deuseztagarri" jo du Belateko esleipena
Prozedurak organo kolegiatuen funtzionamendurako funtsezko arauak urratu zituela adierazi du; besteak beste, mahaiko presidenteak mahaikideen puntuazioak ezagutu ostean ezarri zuelako berea.
Otegik uste du herritarren erreakzioa "osasuntsua" dela eta horrek "Euskal Herriari duintasuna" ematen diola
Arnaldo Otegi EH Bilduko koordinatzaile nagusiak Herri Irratian egin dioten elkarrizketan azpimarratu duenez, Israel Premier Tech taldeak Vueltan parte hartzearen aurkako protestek Euskal Herria gailurrean jarri dute, bakea eta subiranotasuna lortu nahi duten eta sufritzen ari diren herriekiko nazioarteko elkartasunaren gailurrean.