Bertan behera geratu da Vueltako azken etapa, Madrilgo protesten ondorioz
Manifestariak ibilbideko azken kilometroan sartu dira eta errepidea erabat okupatu dute, etapa amaitzeko oraindik 56 kilometro falta zirenean. Pelotoia zenbaitetan gelditu ostean, lasterketako antolatzaileek etapa bertan behera uztea erabaki dute. 100.000 lagunek hartu dute parte protestetan, Gobernuak Madrilen duen ordezkariaren arabera.
Espainiako Vueltako 90. edizioak amaiera izan du helmugarako 56 kilometroren faltan. Izan ere, Palestinaren aldeko manifestazioek etapa azken kilometroetako errepidea hartu dute, azken etapa bertan behera uztera behartuz.
Esan bezala, azken kilometroan sortu dira poliziaren eta manifestarien arteko liskarrak, ibilbideko hesiak bota dituztenean. Orduan hasi dute manifestariek bat-bateko martxa bat, etapako ibilbidean zehar.
Lasterketa ez da Madrilgo hirira iritsi. Antolatzaileek pelotoiaren martxa gelditu behar izan dute, helmugatik 56 kilometrora zegoenean; alegia, Madrilgo sarreratik gertu.
Behin baino gehiagotan lasterketa neutralizatu ostean, eta helmugako albisteen aurrean, txirrindulariek bizikletatik jaitsi behar izan dute.
Antolatzaileek, protestak neutralizatzeko gai ez izanik, etapa bertan behera uztea erabaki dute, 2025eko Espainiako Itzulia ere amaitutzat emanez.
Francisco Martin Madrilgo Gobernuko ordezkariaren arabera, 100.000 manifestari atera dira igande honetan hiriburuko kaleetara.
Istiluetan, Polizia Nazionaleko 22 agente zauritu dira, jasotako hainbat kolpeengatik, polizia iturrien arabera. Hori dela eta, bi pertsona atxilotu dituzte, desordena publikoa egotzita.
Protestek amaiera eman diote Vuelta arraro, nahasi eta historiko bati, munduari bira eman dion aldarrikapen batekin. Aurrekaririk gabeko gertaera bihurtu da honako, eta auskalo beste kirol batzuetara hedatuko den ala ez.
Sarien banaketa
Lasterketarekin batera, Espainiako Vueltako sari banaketaren ekitaldia ere bertan behera geratu da. Txirrindulariak poliziaren babesarekin heldu dira taldeko ibilgailu eta hoteletara.
Urtero bezala, "irabazleen" ekitaldia Zibeles iturrian egin izan ohi da; alegia, Palestinaren aldeko manifestariz beteta egon den iturrian.
Madrilgo manifestazioak
Vuelta honetan, Palestina irabazle"
"Vuelta honetan, Palestina irabazle"
Palestinaren aldeko manifestazioak Madrilgo erdigunea hartu du. Palestinako banderak eskuan, manifestariek "Vuelta honetan, Palestina irabazle" eta "Ez da gerra bat, genozidioa baizik" oihukatu dute.
Gauera arte, protesta Zibeles iturri inguruan egon da. Bertan, manifestariek eserialdi baketsua egitea erabaki dute.
Erreakzio politikoak
Jose Luis Martinez-Almeida Madrilgo alkateak Pedro Sanchezi egotzi dio La Vuelta bertan behera uztearen erantzukizuna.
Almeidaren arabera, Sanchez da "indarkeriak kirola garaitu izanaren erantzule zuzena", Gazan giza eskubideen alde egindako adierazpenek protestei arnasa eman dietelako.
Horrekin batera, alkateak gogor kritikatu ditu Irene Montero, Pablo Iglesias, Yolanda Diaz eta Arnaldo Otegi, besteak beste, "Vuelta lehertzeko asmoz" jardun duten "ohiko susmagarriak" direlakoan.
Jose Luis Martinez-Almeida, Madrilgo alkatea
(Sanchez) da indarkeriak kirola garaitu izanaren erantzule zuzena"
Aldarrikapenak, lasterketako protagonistak
Vueltako lehenengo etapetan, normaltasuna zen nagusi. Piemonteko hasierak eta Frantziako etapek markatuko zuten aurtengo edizioa. Lasterketa normaltasunez biziko zela bazirudien ere, bosgarren etapatik aurrera gauzak erabat aldatu ziren, protagonistak ere aldatuz.
Izan ere, Figuereseko iritsiera mugarri izan da lasterketan. Hain zuzen ere, bertan eman zen lehen gertakari nabarmenena: manifestari talde batek taldeko erlojupekoa eten zuen, Israel-Premier Tech taldearen bidea ostopatuz.
Hurrengo etapetan, giro urduria baina gatazkarik gabekoa bizi zuen Vueltak, Euskal Herrira sartu arte. Bilbon amaitu zen hamaikagarren etapan protesten intentsitateak gora egin zuen. Helmugatik hiru kilometrora, etapa neutralizatu behar izan zuten On Diego Lopez Haroko kale nagusian ziren protesten ondorioz. Etapak ez zuen irabazlerik izan, esta denbora ofizialik ere.
Hala, hurrengo protesta handia 16. etapan izan zen; alegia, Mos Castro Hervilleko helmugan. Iritsiera 8 kilometro aurreratzeko erabakia hartu zuten antolatzaileek, segurtasun arrazoiak argudiatuta. Egun horretan, aldiz, irabazlea egon zen: Egan Bernal kolonbiarra.
Palestinako bandera eta protestak ohiko paisaia bihurtu dira lasterketa osoan zehar, irteeretan, helmugetan eta ibilbideko bazter guztietan. Testuinguru konplexu honetan, txirrindulariek Madrileraino abiatu dira, kirola eta aldarrikapenak ibilbide bera zeharkatuz.
Zure interesekoa izan daiteke
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.