Bertan behera geratu da Vueltako azken etapa, Madrilgo protesten ondorioz
Manifestariak ibilbideko azken kilometroan sartu dira eta errepidea erabat okupatu dute, etapa amaitzeko oraindik 56 kilometro falta zirenean. Pelotoia zenbaitetan gelditu ostean, lasterketako antolatzaileek etapa bertan behera uztea erabaki dute. 100.000 lagunek hartu dute parte protestetan, Gobernuak Madrilen duen ordezkariaren arabera.
Espainiako Vueltako 90. edizioak amaiera izan du helmugarako 56 kilometroren faltan. Izan ere, Palestinaren aldeko manifestazioek etapa azken kilometroetako errepidea hartu dute, azken etapa bertan behera uztera behartuz.
Esan bezala, azken kilometroan sortu dira poliziaren eta manifestarien arteko liskarrak, ibilbideko hesiak bota dituztenean. Orduan hasi dute manifestariek bat-bateko martxa bat, etapako ibilbidean zehar.
Lasterketa ez da Madrilgo hirira iritsi. Antolatzaileek pelotoiaren martxa gelditu behar izan dute, helmugatik 56 kilometrora zegoenean; alegia, Madrilgo sarreratik gertu.
Behin baino gehiagotan lasterketa neutralizatu ostean, eta helmugako albisteen aurrean, txirrindulariek bizikletatik jaitsi behar izan dute.
Antolatzaileek, protestak neutralizatzeko gai ez izanik, etapa bertan behera uztea erabaki dute, 2025eko Espainiako Itzulia ere amaitutzat emanez.
Francisco Martin Madrilgo Gobernuko ordezkariaren arabera, 100.000 manifestari atera dira igande honetan hiriburuko kaleetara.
Istiluetan, Polizia Nazionaleko 22 agente zauritu dira, jasotako hainbat kolpeengatik, polizia iturrien arabera. Hori dela eta, bi pertsona atxilotu dituzte, desordena publikoa egotzita.
Protestek amaiera eman diote Vuelta arraro, nahasi eta historiko bati, munduari bira eman dion aldarrikapen batekin. Aurrekaririk gabeko gertaera bihurtu da honako, eta auskalo beste kirol batzuetara hedatuko den ala ez.
Sarien banaketa
Lasterketarekin batera, Espainiako Vueltako sari banaketaren ekitaldia ere bertan behera geratu da. Txirrindulariak poliziaren babesarekin heldu dira taldeko ibilgailu eta hoteletara.
Urtero bezala, "irabazleen" ekitaldia Zibeles iturrian egin izan ohi da; alegia, Palestinaren aldeko manifestariz beteta egon den iturrian.
Madrilgo manifestazioak
Vuelta honetan, Palestina irabazle"
"Vuelta honetan, Palestina irabazle"
Palestinaren aldeko manifestazioak Madrilgo erdigunea hartu du. Palestinako banderak eskuan, manifestariek "Vuelta honetan, Palestina irabazle" eta "Ez da gerra bat, genozidioa baizik" oihukatu dute.
Gauera arte, protesta Zibeles iturri inguruan egon da. Bertan, manifestariek eserialdi baketsua egitea erabaki dute.
Erreakzio politikoak
Jose Luis Martinez-Almeida Madrilgo alkateak Pedro Sanchezi egotzi dio La Vuelta bertan behera uztearen erantzukizuna.
Almeidaren arabera, Sanchez da "indarkeriak kirola garaitu izanaren erantzule zuzena", Gazan giza eskubideen alde egindako adierazpenek protestei arnasa eman dietelako.
Horrekin batera, alkateak gogor kritikatu ditu Irene Montero, Pablo Iglesias, Yolanda Diaz eta Arnaldo Otegi, besteak beste, "Vuelta lehertzeko asmoz" jardun duten "ohiko susmagarriak" direlakoan.
Jose Luis Martinez-Almeida, Madrilgo alkatea
(Sanchez) da indarkeriak kirola garaitu izanaren erantzule zuzena"
Aldarrikapenak, lasterketako protagonistak
Vueltako lehenengo etapetan, normaltasuna zen nagusi. Piemonteko hasierak eta Frantziako etapek markatuko zuten aurtengo edizioa. Lasterketa normaltasunez biziko zela bazirudien ere, bosgarren etapatik aurrera gauzak erabat aldatu ziren, protagonistak ere aldatuz.
Izan ere, Figuereseko iritsiera mugarri izan da lasterketan. Hain zuzen ere, bertan eman zen lehen gertakari nabarmenena: manifestari talde batek taldeko erlojupekoa eten zuen, Israel-Premier Tech taldearen bidea ostopatuz.
Hurrengo etapetan, giro urduria baina gatazkarik gabekoa bizi zuen Vueltak, Euskal Herrira sartu arte. Bilbon amaitu zen hamaikagarren etapan protesten intentsitateak gora egin zuen. Helmugatik hiru kilometrora, etapa neutralizatu behar izan zuten On Diego Lopez Haroko kale nagusian ziren protesten ondorioz. Etapak ez zuen irabazlerik izan, esta denbora ofizialik ere.
Hala, hurrengo protesta handia 16. etapan izan zen; alegia, Mos Castro Hervilleko helmugan. Iritsiera 8 kilometro aurreratzeko erabakia hartu zuten antolatzaileek, segurtasun arrazoiak argudiatuta. Egun horretan, aldiz, irabazlea egon zen: Egan Bernal kolonbiarra.
Palestinako bandera eta protestak ohiko paisaia bihurtu dira lasterketa osoan zehar, irteeretan, helmugetan eta ibilbideko bazter guztietan. Testuinguru konplexu honetan, txirrindulariek Madrileraino abiatu dira, kirola eta aldarrikapenak ibilbide bera zeharkatuz.
Zure interesekoa izan daiteke
Donostian emaztea hiltzen saiatu zen gizona epailearen aurrera eraman dute
Hilketa saiakera leporatzen diote, emaztea ito nahian aurkitu ondoren.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.