Valentziako PPk Vicente Mompo babestu du Mazonen ordezko gisa
Valentziako PPko buruzagiek Diputazioko presidentea aukeratu dute Generalitateko presidente izateko, Carlos Mazonen balizko dimisioaren aurrean eta hurrengo hauteskundeetarako hautagai gisa.
Carlos Mazon eta Vicente Mompo. Argazkia: Europa Press.
Valentziako Erkidegoko Alderdi Popularrak alderdiaren zuzendaritza nagusiari helarazi dio Vicente Mompo babestu duela Generalitateko presidente gisa, Carlos Mazonen balizko dimisioaren aurrean eta hurrengo hauteskundeetako hautagai gisa.
Azken informazioen arabera, Valentziako herri-buruzagien arteko barne-eztabaida baten ondoren hartu da erabakia.
Goi geruzetako depresio isolatuaren kudeaketari buruzko azken datuek egoera zailean utzi dute alderdia. Horrenbestez, popularren zuzendaritzak erabakiak hartu behar izan ditu.
Bilera horretan hautatu dute Vicente Jose Mompo Aledo Valentziako Diputazioko presidentea Mazon ordezkatzeko; izan ere, Mazonek "hausnartzen" ari dela esan zuen GOIDIaren urteurrenaren ostean.
Hala ere, Antonio Perez Perez Alacanteko PPko eta Diputazioko presidenteak esan du Mazonen esku dagoela oraindik azken erabakia. Perezen hitzetan, Generalitateko egungo presidenteak "gaitasun osoa" du egokitzat jotzen dituen erabakiak hartzeko.
GOIDIaren eta Mazonen inguruan azken asteetan jazotako guztiaren aurrean, Perezek PPren "sendotasuna eta batasuna" nabarmendu, eta gaineratu du une oro "errealitatean oinarrituta" jokatu behar dela, ez hipotesietan oinarrituta.
Mazonekin bazkaldu zuen kazetaria, ospitalean
Goialdeko borraskak Valentzia astindu zuen egunean Carlos Mazonekin bazkaldu zuen kazetari Maribel Vilaplana ospitalera eraman dute, ondoezik, bere gertuko iturriek jakitera eman dutenez.
Astelehenean deklaratu behar du epailearen aurrean Vilaplanak, lekuko gisa, eta hainbat komunikabidek zabaldu dutenez, bazkari hartan, 17:40 aldera, Utieleko uholdeen bideo bat erakutsi zion kazetariak Mazoni.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.