Juanfran Perez Llorca hautatu dute Valentziako Generalitateko presidente, Voxen babesarekin
Aldeko 53 boto bildu ditu orain arte Valentziako Gorteetan PPren bozeramaile izan denak, bere alderdiarenak eta Voxenak. PSPVk eta Compromisek aurka bozkatu dute.
Juanfran Perez Llorca, presidente hautatu ondoren. Argazkia: EFE
Juanfran Perez Llorca Alderdi Popularraren idazkari Nagusia Valentziako Erkidegoan hautatu dute Generalitateko presidente, Voxen babesarekin. Carlos Mazonen lekukoa hartuko du, hark azaroaren hasieran dimisioa eman ondoren; iazko urrian Valentzian izandako uholdeetan egindako kudeakegatik jasotako kritikek eraman zuten Mazon kargua uztera; 229 herritar hil ziren.
Perez Llorcak 53 boto bildu ditu Gorteetan gaur egin duten saioan: PPren 40 eta Voxen 13. Mazonen bozka ere jaso du —botoa ematera bakarrik joan da bilkurara—. Eta aurreikusita bezala, PSPVko eta Compromiseko parlamentariek kontra bozkatu dute, 45 denera.
Hautagaiaren eta taldeetako bozeramaileen hitzaldien ondoren egin da bozketa, eta botoak zenbatu ondoren, Llanos Masso Gorteetako presidenteak Perez Llorca presidente izendatu du, PPko eta Voxeko kideen txalo artean.
Mazon izan da presidente berria zoriontzen aurrenetakoa, eta hori egin eta berehala, aretotik atera da. Amaieran bere alderdi guztiek atera duen argazkian ez du parte hartu.
Estatuko Aldizkari Ofizialean izendapena argitaratzen denean, beste osoko bilkura bat deituko dute Valentziako Gorteetan, kargu-hartze ekitaldirako. Egun horretan, gobernurako bere proposamena aurkeztu beharko du, karguari zin egin eta gero.
Goizean egin duten hitzaldian, PPk azken bi urteotan Generalitatean egindako kudeaketa defendatu du, eta gogor kritikatu ditu Europako Itun Berdea zein "legez kanpoko migrazioa". Azken bi gai horiek dira Voxek mahai gainean jarritako eskari nagusiak.
Hitz eman du presidente izendatzen dutenean bere lehen hitzak GOIDIaren biktimei barkamena eskatzeko izango direla. Onartu du erakundeek ez zutela behar bezala erantzun, hondamendiaren aurrean.
Zure interesekoa izan daiteke
Herritarren karpeta bakarra eta erantzukizunpeko adierazpenak, izapideak errazteko EAEn
Euskal administraziotan kudeaketa desberdinak egiteko, datuak eta dokumentuak behin bakarrik ematea ahalbidetuko du gune digital berriak. Datorren urtean lehen bertsioa martxan egotea espero da.
Gernikako bonbardaketaren biktimei omenaldia
Bertan parte hartu dute Alemaniako presidenteak, Felipe VI .a Espainiako erregeak eta Pradales lehendakariak, beste agintari eta erakundeetako ordezkari askoren artean.
Gernikako bonbardaketatik bizirik atera zen gizon batek "hunkituta" eskertu du Steinmeierren bisita eta "gehiago ez gertatzeko" eskatu du
Emilio Aperribay 1937ko apirilean Gernikako bonbardaketatik bizirik atera zen pertsonetako batek adierazi duenez, "hunkituta" dago ostiral honetan Bizkaiko udalerrian biktimei egingo zaien omenaldiaren aurrean, eta eskerrak eman dizkio Alemaniako presidenteari, gertatutakoa "beste inon ez gertatzea" espero baitu.
Honela bizi izan zuten Gernikako bonbardaketa Mari Karmen Agirrek eta Crucieta Etxabek
Euskadi Irratiak 1937ko bonbardaketa bizi izan zuten bi emakume elkarrizketatu ditu, eta gogora ekarri dituzte orduko bizipenak. Egun hartan gertatutakoa ondo gogoratzen dute biek, eta euren testigantzak oso garrantzitsuak dira jasandakoa inoiz ez ahazteko.
Gernikako erreplika bandalizatu dute Gernika-Lumon, aldarrikapen pintaketekin
Muralaren erreprodukzioak "Erregea kanpora" eta "Askatasuna nahi dugu" bezalako mezuekin argitu du eguna. Udal zerbitzuek eguneko lehen orduan kendu dituzte pintaketak.
Pradales lehendakariak Frank-Walter Steinmeier Alemaniako presidentea hartu du Ajuria Enean
Frank-Walter Steinmeier Ajuria Enera iritsi da, eta bertan harrera egin dio Imanol Pradales lehendakariak. Aurresku batek eman dio hasiera harrera ofizialari.
Koldo Garciak epailearen aurrean ez deklaratzea erabaki du, lehen gaua kartzelan igaro ostean
Ministerioko aholkulari ohiak magistratuari esan dio ez daukala erantzuteko informaziorik. Guardia Zibilaren Unitate Zentral Operatiboak (UCO) maskarak erosteko eta antigenoen testak edo PCR probak egiteko kontratuei buruz egindako azken txostenaren harira deitu du Leopoldo Puente magistratuak deklaratzera.
Albiste izango dira: Abalos eta Koldo Garciak lehen gaua igaro dute espetxean, Alemaniako presidentearen bisita Gernikara eta Saretzen
Gaurkoan Orain-en albiste izango direnen laburpena, bi hitzetan.
Oroimenerako eta erreparaziorako eguna Gernikan
1937ko bonbardaketaren biktimak oroitzeko ekitaldi solemnea hartuko du gaur Gernikak. Ekitaldi horretan, lehen aldiz, Alemaniako presidente bat izango da. Frank-Walter Steinmeierrek alemaniarrek Gernikan egindako "krimen larriak" aitortu ditu egunotan eta biktimei omenaldia egingo die gaur, Felipe VI.a Espainiako erregea eta Pradales lehendakaria alboan dituela.
Espainiako Erregearen bisitaren aurkako manifestazio jendetsua egin dute Gernikan
Ernai gazte antolakundeak deituta, ehunka pertsona atera dira kalera arratsaldean Gernikan, Felipe VI. Espainiako erregeak bihar bertara egingo duen bisitaren aurka protesta egiteko. Salatu dutenez, "1937ko bonbardaketaren errautsen gainean dago eraikita egungo Espainiar erregimena" eta horren ikurra da erregea.