Alderdi politikoek azken egunetako mehatxu eta erasoak gaitzetsi eta arbuiatu dituzte
Aste honetan PPren Bilboko egoitza pintura gorriz zikindu dute, Gasteizen hainbat politikariren irudiak zituen mehatxu pankarta bat agertu da eta Durangon jarritako ETAren biktimen omenezko plakak ere eraso dituzte.
Euskal agintariek eta alderdi politikoek aste honetan alderdi politikoetako kideen edo ondasun higiezinen aurka egin diren mehatxuak eta erasoak gaitzetsi edo arbuiatu dituzte: Alderdi Popularraren Bilboko egoitzaren aurkako erasoa, ETAren biktimen omenez Durangon jarritako plakei egindakoa edo politikariak eta erakundeak mehatxatzen zituen Gasteizko pankarta.
Imanol Pradales lehendakariak "irmoki" gaitzetsi ditu azken egunetako ekintza horiek guztiak X sare sozialean egindako argitalpen batean. "Ez da onargarria mundua ikusteko moduak inposatzea. Ez da onargarria eta ez dugu onartzen", esan du, eta "elkartasuna eta babesa" adierazi die PPko eta PSE-EEko kideei.
Asteartean, Alderdi Popularrak salatu zuen Ernaik, ezker abertzaleko gazteen taldeak, Bilbon duen egoitzari eraso egin ziola; pintura gorriz zikindu zuten eta Ernairen kartel bat itsasi zuten. Horren ostean, Javier de Andres Euskadiko PPko presidenteak indarkeriaren aurka "EH Bilduri zoru etikoa eskatu behar" zaiola adierazi zuen.
EH Bilduren arbuioa
Maria del Rio, EH Bilduk Bilboko udalen duen bozeramaileak, "arbuiatu" egin zuen eraso hori. Bere hitzetan, "EH Bilduk Alderdi Popularrarekin eta Voxekin konfrontazioa planteatzen du, bloke atzerakoi beraren parte diren heinean, beti ere termino politiko eta dialektiko hutsetan", eta gaineratu duenez, "horrelako gertaerek bloke erreakzionarioaren biktimizazio-kanpainari mesede baino ez diete egiten".
Asteazkenean, pintadekin agertu ziren Durangon ETAk udalerri horretan hildako pertsonen omenez Udalak jarri zituen hiru plaka.
Fernando Buesa eta Covite elkarteek salatu zuten "gorrotoa eta erradikalizazio bortitza" ez direla desagertu Euskadin, eta Carlos Garcia udalerriko PPren bozeramaileak adierazi zuen salaketa aurkeztuko duela Ertzaintzan, gorroto eta kalte delituengatik.
Egun berean, Gasteizen mehatxu pankarta bat agertu zen.: PSE-EEko idazkari nagusi Eneko Andueza, Madrilgo Erkidegoko presidente Isabel Diaz Ayuso (PP), Voxeko presidente Santiago Abascal, Vito Quiles aktibista eta Ertzaintzaren ikurra bi zirkulu gorriren barruan irudikatu zituzten.
Gasteizko Udalak adierazpen bateratua argitaratu du, PSE-EEk, EAJk, PPk eta Elkarrekin Podemosek sinatuta. Adierazpenak "gogor gaitzesten ditu seinalatzeko eta mehatxatzeko modu nabarmen bat diren gertakari horiek, gurea bezalako gizarte demokratiko baten balioekin guztiz bateraezinak direnak", eta "bizikidetzaren eta aniztasunaren aurkako eraso zuzen hau errefusatzen du, gure askatasunei eusten dieten zutabeak baitira", gaineratzen du.
EH Bilduk ez du bat egin Udalaren adierazpenarekin, baina "irmoki arbuiatu" du gertatutakoa. Koalizio subiranistaren iritziz, "kritika politikoa termino politiko eta dialektikoetan soilik" adierazi behar da, eta Euskal Herriko eragile politiko eta sozial guztiei "erantzukizunez jokatzeko" deia egin die.
Bestalde, Amaya Martinez Voxeko legebiltzarkideak salatu du EAJk eta PSEk EH Bildu zuritu dutela, eta orain ezker abertzaleko gazteek "uste dute ondoriorik gabe egin ditzaketela horrelakoak".
Zure interesekoa izan daiteke
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan; horren sinplea eta horren erraza da", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".