Eragile politiko eta sozialek 'Txiki' eta Otaegiren aitortza txalotu eta bide horretan jarraitzea eskatu dute
'Txiki' eta Otaegiren familiek urte hasieran aurkeztu zuten aitortza eskaria, Memoria Demokratikoaren Legea oinarri hartuta, eta duela bi aste eman zuen Espainiako Gobernuak aldeko ebazpena.
Espainiako Gobernuak Jon Paredes Txiki eta Angel Otaegiren aldeko Aitortza eta Erreparazio Adierazpena onartu du, eta "ilegitimotzat eta baliogabetzat" jo ditu horiek epaitu zituzten gerra-kontseiluak eta ezarri zitzaizkien heriotza-zigorrak. Frankoren erregimenak fusilatu zituen biak, orain 50 urte.
Albistea zabaldu orduko, askotariko eragile politiko eta sozialek txalotu dute erabakia, eta bat etorri dira giza eskubideen urraketen biktimak aitortzeak eta erreparatzeak duen garrantzia azpimarratzean.
Egiari Zor fundazioa izan da gaiari buruz iritzia eman duenetako bat. "Aitortzaren eta erreparazio instituzionalaren bidean" jarraitzeko deia egin du, "salbuespenik gabe, kontu hau borroka alderdikoitik aldenduz".
Hedabideetara igorritako ohar batean, fundazioak esan du Txiki eta Otaegi biktima gisa aitortzea "saihestezina" zela, frankismoko azken fusilatuak zein testuingurutan gertatu ziren kontuan hartuta. Horrekin batera, salatu dute bi biktima hauen inguruan egindako ekitaldien harira azken hilabeteotan izandako polemikak. "Uste dugu polemika hau batzuek erabili dutela, biktima on eta txarren ikuskerari buruzko biktimologia-esparru berria ezartzeko".
Ildo beretik, Giza Eskubideen Euskal Behatokiak (GEBehatokiak) ere urrats "garrantzitsua" eta "saihestezina" dela esan du. "Espainiako Gobernuaren urteetako ukazioaren ondoren, bi aitortza hauekin familiek urrats garrantzitsua eman dute egiaren, justiziaren eta erreparazioaren bidean", dio erakundeak kaleratu duen agiriak.
GEBehatokiak azpimarratu du "joan den udan izandako saiakerak, frankismoko biktimen artean kategorizazioak ezartzekoak" indargabetu egiten dituela gaur ezagutu den erabakiak.
Gaiari buruz iritzia eman du, bata ere, Imanol Pradales lehendakariak, sare sozialetan zabaldutako mezu batean. Hark ere, urratsa "ezinbestekoa" zela esan du, eta gogora ekarri du Eusko Jaurlaritzak 2012an aitortu zituela Txiki eta Otaegi Estatuaren indarkeriaren biktima gisa. "Espainiako Gobernuak hartutako erabakiak osatu egiten du ezinbestekoa zen aitortza publikoa. Lehendakari gisa, giza eskubideen urraketen biktima guztien aintzatespen osoa berresten dut", idatzi du.
Bere aldetik, Mertxe Aizpurua EH Bilduren eledunak Kongresuan esan du "aurrerapauso ukaezina" dela, eta bide horretan lanean jarraitzea eskatu du. "Frankismoaren jazarpena jasan zuten senideek eskatzen duten egia, memoria, aitortza eta erreparazioan pauso sendoak emateko lanean segituko dugu", argitaratu du X sare sozialean.
Txiki eta Otaegiren familiek urte hasieran aurkeztu zuten aitortza eskaria, Memoria Demokratikoaren Legea oinarri hartuta, eta duela bi aste eman zuen Espainiako Gobernuak aldeko ebazpena.
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.