PSOE irabazletzat jo du berriro ere CISek, PPri bederatzi puntuko aldea aterata
Etxebizitza da herritarren kezka nagusia, eta, ondoren, krisi ekonomikoa eta arazo politikoak daude. Pedro Sanchez buruzagi sozialista da presidente gisa gustukoena, nahiz eta ezein liderrek ez duen gainditzen.
Ikerketa Soziologikoen Zentroak (CIS) egindako azken barometroaren arabera, PSOEk irabaziko lituzke Espainiako hauteskunde orokorrak, PPri bederatzi puntuko aldea aterata.
Jose Luis Abalos ministro ohia kartzelan sartu ondoren, abenduaren 1etik 5era bitartean 4.017 elkarrizketa eginda, sozialistek botoen % 31,4 lortuko lukete, 1,2 puntu galduta azaroko barometroarekin alderatuta. PPk, berriz, botoen % 22,4ko babesa izango luke hauteskunde orokorretan.
Vox alderdia hirugarrena izango litzateke, % 17,6ko babesarekin, eta Sumarrek botoen % 7,8 jasoko luke. Podemosek, berriz, % 4,1. Ildo horretatik, Se Acabo la Fiesta (SALF) ultraeskuineko alderdiak seigarren postua lortuko luke, botoen % 2,4 zenbatetsita (duela hilabete baino 1,8 puntu gehiago).
ERCk % 2,1eko babesa lortuko luke; EH Bilduk, % 1,5; EAJk, % 0,9 eta BNGk, % 0,8. Juntsek ere botoen % 0,8 lortuko luke, hilabetean hiru hamarren galduta; Aliança Catalana ultraeskuinak, % 0,5; Coalicion Canariak, % 0,2; eta UPNk, % 0,1.
Etxebizitza da herritarren kezka nagusia (% 39,9), eta, ondoren, krisi ekonomikoa (% 21,8) eta arazo politikoak (% 19,1). Laugarren lekuan, immigrazioa dago (% 16,3), eta oso gertutik "ustelkeria eta iruzurra" (% 16,2) eta enpleguaren kalitateak (% 14,5).
Barometroaren arabera, Pedro Sanchez buruzagi sozialista da Espainiako Gobernuko presidente izateko hautagai gogokoena, % 23,4k hala adierazi baitute. Ondoren, nahiago dituzte Alberto Nuñez Feijoo (% 10,6), eta Santiago Abascal (% 9,6), hurrenez hurren.
Dena dela, ezein liderrek ez du gainditzen, CISeko barometroetan ohikoa den bezala. Sanchezek lortu du baloraziorik onena 4,08ko notari esker, eta oso gertutik jarraitzen dio bigarren presidenteorde Yolanda Diazek (4,01). Hirugarren postuan Feijoo (3,39) ageri da, eta azken postuan Abascal (2,9).
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.