Hautesleei mobilizatzeko eskatu diete kanpaina amaieran
Euskal Autonomia Erkidegoko indar politikoek hauteskunde kanpaina itxi dute dagoeneko. Botoa eskatzeko azken orduak hauteskunde estrategiaren ardatz izan diren mezuak errepikatzeko erabili dituzte.
Era berean, hautesleei mobilizatzeko eskatu diete, boto bakoitza garrantzitsua dela gogoraraziz, hitzorduaren emaitza iragartzerik ez dagoelako; erabaki gabeko boto askorekin, boz ezkutu dezenteekin eta parte-hartze handiarekin.
Euskadin 1.790.000 herritarrek 18 diputatu eta 12 senatari aukeratu behar dituzte.
Lander Martinez Ahal Duguko idazkari orokorrak eta Elkarrekin Podemosek Legebiltzarrean duen bozeramaileak hauteskunde orokorretan "inor etxean ez geratzea" eskatu du, baita "inor ez uztea inguruko jendeari bozkatzera joateko konbentzitzeari".
EAEko kanpainaren azken ekitaldia egin du koalizio moreak Gallartan (Bizkaia), Dolores Ibarruri Pasionaria-ren jaioterrian.
"Espainiako alderdien beldur" dela adierazi du Andoni Ortuzar EAJko presidenteak. Pedro Sanchez eta Pablo Iglesias, PSOEko eta Unidas Podemoseko hautagaiak hurrenez hurren, Euskadin "Troiako zaldiak" direla ohartarazi du buruzagi jeltzaleak. Fidatzerik ez dagoela erantsi du.
Ortuzarrek hitza hartu du arratsaldean, EAJren azken mitinean, Bilbon. Jeltzaleek kanpaina itxi dute bertan, igandeko hauteskundeen zain. Era berean, Iñigo Urkullu lehendakariak eta Aitor Esteban Kongresurako EAJren Bizkaiko hautagaiak ekitaldian parte hartu dute.
Espainiako Alderdi Sozialistaren aldeko "boto masiboa" eskatu du Idoia Mendia PSE-EEko idazkari nagusiak, "eskuina geldiarazi eta historia egiteko".
Euskadiko Alderdi Sozialistak Gasteizen egin du kanpainaren itxierako ekitaldia, eta han izan dira Idoia Mendia buruzagia eta Isabel Celaa, Patxi Lopez eta Odon Elorza, Araba, Bizkaia eta Gipuzkoako zerrendaburuak, hurrenez hurren.
Ezker soberanisten aliantzak igandean "milioi bat boto", horietatik "200.000 Euskal Herrian", eta Kongresuan "gutxienez 15 diputatu" lortu behar dituela adierazi du Arnaldo Otegi EH Bilduko koordinatzaile nagusiak, Madrilera "olatu errepublikarra, feminista eta independentista" eramateko. "Erabakigarriak izango gara", ziurtatu du.
Koalizioak kanpaina ixteko ekitaldia Errenterian (Gipuzkoa) egin du. Julen Mendoza bertako alkateak, Bel Pozueta Kongresurako EH Bilduren Nafarroako zerrendaburuak, Mertxe Aizpuruak (Gipuzkoa), Oskar Matutek (Bizkaia), Iñaki Ruiz de Pinedok (Araba) eta Jon Iñarritu senatari eta Kongresurako hautagaiak ere hitza hartu dute. "Herrialde ezberdinetan agintzeko hauteskunde kanpainetara aurkezteko beharrik ez duen jendea dago, baita gurean ere", salatu du Otegik.
Javier Maroto PPren Antolakuntzako idazkariordeak eta Kongresurako Arabako zerrendaburuak esan duenez, Euskadin aukera guztiak, bere alderdia izan ezik, Pedro Sanchez Moncloan "geratzera" daude bideratuta.
"Euskadiko sigla guztiek, PPk izan ezik, Sanchez Moncloan geratzera eramango gaituzte; beste guztiek, bat ere ahaztu gabe", esan du Euskadiko popularrek Bilbon egin duten kanpainaren itxiera ekitaldian, EAEko buruzagien eta hautagaien presentziarekin.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.