Palestina
2025/02/27 - 12:20
Hamasek konfirmatu du Israelek 600 preso palestinar baino gehiago askatu dituela
Hamasek lau bahituren gorpuak Gurutze Gorriaren esku utzi ostean askatu ditu Israelek preso palestinarrak, su-eten akordioaren parte gisa. Israelek baieztatu du adostutako bahituen gorpuak direla. Askatutako presoetatik 456 ospitalera eraman behar izan dituzte, osasun egoera kaskarrean zeudelako.
2025/02/27 - 09:24
Israelek 642 preso palestinar askatu ditu
Askatutakoen artean, 2023ko urriaren 7ko erasoaren ostean atxilotutako 445 gazatar daude, gutxienez; preso horietatik 46 emakume eta adingabeak ziren. Hamasek Gurutze Gorriari lau bahituren gorpuzkiak eman dizkie, su-etenaren akordioaren zati gisa.
2025/02/23 - 22:09
Israelek akordioa urratu du, ez baititu askatu larunbatean libre utzi behar zituen 600 preso palestinarrak
Netanyahuk esan du ez dituela larunbatean Hamasek libre utzitako sei bahituen truke askatu behar zituzten preso palestinarrak kaleratuko hurrengo bahituak aske geratuko direla ziurtatu arte. Hamasek iragarri du ez duela Israelekin negoziatzen jarraituko preso palestinarrak askatu arte.
2025/02/22 - 21:38
Palestinari babesa eman eta Israeli zigorrak ezartzeko eskatu dute Iruñean
Manifestazioaren deitzaileek salatu dutenez, "Israelek azken 15 hilabeteetan egindako suntsiketaren basakeria eta deshumanizazio mailak ez du aurrekaririk historia modernoan, bai intentsitateagatik, baita aldebakartasunagatik ere".
2025/02/22 - 18:59
Gaur aske utzitako israeldar bahituetako batek musu bat eman die Hamaseko bi kideri
Larunbat honetan, hiru bahitu askatu ditu Hamasek Nuseiraten, eta horietako batek bere poza adierazi du Hamaseko kide bi musukatuz, publikoaren gozamenerako.
2025/02/22 - 17:32
Hamasek sei israeldar askatu ditu larunbat honetan, Gazako su etenaren baitan egindako zazpigarren trukean
Israelgo Gobernuak igandeko 20:00ak arte atzeratu du preso palestinarren askatzea, Benjamin Netanyahu Israelgo lehen ministroa buru duen segurtasun bilera bat amaitu ondorenera arte.
2025/02/22 - 14:10
Hamasek bost israeldar askatu ditu su-etenaren zazpigarren trukean
Sei bahituetatik bost Gurutze Gorriaren esku utzi ditu, bi ordu eta erdiko aldearekin, Rafahn eta Nuseiraten. Seigarren bahitu bat, Hisham al Sayed arabiar-israeldarra, Gurutze Gorriaren esku utziko dute Gazan, baina kamerek ezingo dute grabatu.
2025/02/22 - 09:59
Israelek baieztatu du Hamasek ostiralean emandako gorpua badela Shiri Bibasena
Gaur beste sei bahitu askatuko ditu talde islamistak, 600 preso palestinar baino gehiagoren truke.
2025/02/21 - 13:10
Hamasek dio bahituaren gorpuzkiak beste batzuekin "nahastu" zirela Israelek egindako bonbardaketen ondorioz
Israelgo lehen ministroaren esanetan, miliziano palestinarrek "Gazako emakume baten" gorpua jarri zuten Shiri Silbermani zegokion hilkutxan.
2025/02/21 - 10:11
Netanyahuk esan du Hamasek ordaindu egingo duela hitzartutako gorpuetako bat eman ez izana
Israelgo lehen ministroaren esanetan, miliziano palestinarrek "Gazako emakume baten" gorpua jarri zuten Shiri Silbermanen hilkutxan. Hamasen arabera, gorpuzkiak beste batzuekin "nahastu" ziren Israelek Gazan egindako bonbardaketa baten ostean.
2025/02/20 - 23:54
Israel Jeninen egiten ari den setioak ia 30 palestinar hil, 16.000 desplazatu eta 250 etxe suntsitu ditu jada
Gainera, Israelen erasoak Tulkaremgo eta Faraako errefuxiatu-eremuetara hedatu dira egun gutxira, eta guztira 40.000 palestinar inguru desplazatu ditu; 1967ko gerraz geroztik biztanleria-mugimendu handiena izan dela uste da.
2025/02/20 - 15:15
Hamasek lau gatiburen hilotzak Israelen esku utzi ditu
Trukean Israelek preso palestinarrak askatuko ditu. Hala ere, orduak edota egunak beharko dituzte gorpuzkinak identifikatzeko, eta, ondorioz, adostutako presoak ez dira larunbatera arte aske geldituko.
2025/02/20 - 10:40
Hamasek lau bahituren gorpuak entregatu dizkio Israeli
Hamasek lau bahitu israeldarren gorpuak entregatu ditu gaur goizean, Gazako su-eten akordioen baitan.
2025/02/17 - 08:52
Albiste izango dira: Ukrainari buruzko bilera Parisen, su etenaren bigarren fasea Gazan eta udaberri giroa
Gaurkoan albiste izango direnen laburpena, bi hitzetan.
2025/02/16 - 14:43
Palestinaren aldeko aldarria egin dute Donostian bildutako 200 dantzari eta musikarik baino gehiagok
Kulturatik-ek eta Donostiako musika- eta dantza-eskolek antolatutako "Musika eta Dantza Palestinarekin" ekimenak bi arteak uztartu ditu, elkartasun, anaitasun eta erresistentzia hizkuntza unibertsal gisa.
2025/02/15 - 19:01
Arrakastaz osatu da preso palestinarren eta bahitu israeldarren arteko beste truke bat
Hamasek hiru bahitu askatu ditu larunbat goizean, eta Israelek 369 preso aske utzi ditu hurrengo orduetan.
2025/02/15 - 10:28
Hamasek beste hiru bahitu israeldar askatu ditu, 300 preso palestinarren truke
Aurrekoetan bezala, agertoki bat prestatu du Hamasek Khan Yunisen, eta bahituak kameren aurrean aurkeztu ostean, Gurutze Gorriko kideen esku utzi dituzte.
2025/02/14 - 23:17
Hamasek esan du hiru bahituak "modu egokian eta garbian" entregatuko dituztela larunbatean
Hamasek Aleksandr (Sasha) Trufanov errusiar-israeldarra, Sagui Dekel-Chen (israeldar-estatubatuarra) eta Iair Horn argentinar jatorriko israeldarra askatuko ditu. Trukean, azken hilabeteetan atxilotutako 333 gazatar askatzea espero du Hamasek, eta biziarteko kartzela-zigorra ezarri dieten beste 36.
2025/02/12 - 23:45
Francesca Albanese (NBE): "Trumpen proposamena esteroidedun inperialismoa da, legez kanpoko erokeria"
"Sistema gure aurrean desegiten ari da, eta legerik gabeko mundu batean bizitzeak, non bortizkeriak eskubidea egiten duen, ez du gutako inor babestuko", ohartarazi du Nazio Batuen Erakundeak (NBE) Palestinako lurralde okupatuetarako duen ordezkariak.
2025/02/12 - 19:47
Egiptok eta Qatarrek harremanak areagotu dituzte Gazako "su-eten akordioa salbatzen saiatzeko"
Bitartean, Israelgo Defentsa ministroak ziurtatu duenez, Hamasek larunbatean gatibuak askatzen ez baditu, Zerrendaren aurka erasoak egiteari berrekingo diote, AEBko presidenteak Gazarako dituen deserriratze planak gauzatzeko.