Trafiko Istripuak
2025/04/06 - 21:13
Motor-gidari bat larri zauritu da A64 autobidean, Mugerretik gertu
30 urte inguruko gidaria larri eraman dute Baionako ospitalera. Antza denez, auto batekin izan du istripua motozaleak.
2025/04/02 - 21:25
Emakume bat hil eta bi zauritu dira Lerinen izandako trafiko-istripu larrian, ibilgailua errepidetik aterata
Ezbeharra 17:00etan gertatu da, NA-122 errepidean. Hildakoa kopilotu zihoan errepidetik atera den ibilgailuan, eta zauritutako bi pertsonak gidaria (48 urte) eta ibilgailuaren atzealdean zihoan bidaiari bat dira.
2025/03/31 - 10:23
Lau ibilgailuk istripua izan dute Andoainen eta auto ilara luzeak sortu dira N-1 errepidean
Ezbeharraren ondorioz, erreietako bat itxi dute Donostiara bidean, eta bost kilometrorainoko ilarak sortu dira. Dena den, ez da inor zauritu.
2025/03/30 - 18:53
81 urteko gizon bat hil da eta emakume bat zauritu Lodosan izandako trafiko istripu batean
Gizonak gidatzen zuen ibilgailua bidetik atera da, NA-134 errepidean zihoazela, Lodosa parean, eta ezponda batetik erori da. Emakumea helikopteroz eraman dute Nafarroako Unibertsitate Ospitalera.
2025/03/30 - 13:23
Emakume gazte bat hil da auto-istripuz Getarian, N-634 errepidean
Ezbeharrean gizon bat ere zauritu da, eta ospitalera eraman dute. Errepidea erabat itxi behar izan dute, eta 09:10ean ireki dute berriro.
2025/03/30 - 13:17
Emakume gazte bat hil eta gizon bat zauritu da Getarian izandako istripu batean
N-634 errepidean izan da ezbeharra. Gidariak, gizonak, ibilgailuaren (Porsche Cayenne bat) kontrola galdu du argitzeke dauden arrazoiak direla medio, eta errepidetik irten da.
2025/03/27 - 20:08
Zabaldu dute A-15 errepidea, bi noranzkoetan, furgoneta batek izan duen istripuaren ondoren
Ibilgailua kendu eta errepidea garbitu ondoren, errepidea zabalik gelditu da eta sortutako auto-ilarak gutxitzen hasi dira. Istripuak ez du zauriturik eragin.
2025/03/26 - 10:57
Errei bat zabalik eta txandakako zirkulazioa GI-627 errepidean Leintz Gatzagan, lur-jausi bat izan ondoren
Goizean, zirkulazioa eten egin dute bi noranzkoetan, eta eskatu dute trafikoa GI-3310 errepideara bideratzea.
2025/03/25 - 21:33
Berriro zabaldu dute N-I errepidea, Beasain pareko zatian, kamioi istripu baten ondorioz itxita egon ondoren
Kamioiak zamaren zati bat galdu du, 19:45ean, eta auto-ilarak sortu dira. 22:00 aldera errepidea berriro zabaldu dute, baina errei batek itxita jarraitzen du.
2025/03/24 - 12:42
Zumarragan hildako gidari baten istripuaren nondik norakoak ikertzen ari dira
GI-2632 errepidean, baserri baten aurka jo eta autoak su hartu du. Gidaria barruan harrapatuta gelditu da, eta bertan hil da.
2025/03/24 - 11:16
Pertsona bat hil da Zumarragan, gidatzen zuen autoarekin baserri baten aurka jota
Ibilgailuak su hartu du eta gidaria barruan harrapatuta gelditu da.
2025/03/23 - 13:49
Motoziklista bat helikopteroz ebakuatu dute Bermeon istripua izan ostean
Istripua 11:12 aldera gertatu da, moto baten eta auto baten artean, Bi-631 errepidean. Osasun-langileak bertaratu dira, eta zauritua bertan artatu dute hasieran, baina Osakidetzaren helikoptero batean eraman dute gero Galdakaoko ospitalera.
2025/03/20 - 20:25
51 urteko emakume bat zauritu da Valtierran, bi autok elkarren aurka talka eginda
Istripua 15:50ean gertatu da, eta zauritutako emakumea Tuterako Sofia Erregina Ospitalera eraman dute, besoan traumatismoa eta belaunean kolpea zituela.
2025/03/19 - 13:45
N-1 errepidea itxi dute Legorretan, Gasteizera bidean, kamioi batek istripua izan duelako
Kamioi batek zama galdu du eta bidea oztopatzen ari da. Bien bitartean, trafikoa 426 irteeratik bideratzen ari dira.
2025/03/18 - 21:22
Kongresuak alkoholemia-tasa jaisteko ekimena izapidetuko du, eta PPk zer bozkatuko duen ez dago argi
EAJk, Juntsek, ERCk eta Sumarrek PSOEren ekimenaren tramitazioa babestuko dute, baina iragarri dute zuzenketak aurkeztuko dituztela.
2025/03/18 - 09:22
N-1ean bi autoren artean izandako istripu batek auto-ilara luzeak eragin ditu Andoainen
Ezbeharraren ondorioz, errei bat itxi dute eta zortzi kilometrorainoko auto ilarak sortu dira Lasarte-Oriara bidean.
2025/03/16 - 16:48
Pertsona bat hil da AP-8an, Berriz parean izan den trafiko istripu batean
Dirudienez, autoa errepidetik atera da, eta su hartu du. Ibilgailu barruan zegoen laguna unean bertan zendu da.
2025/03/16 - 09:28
Lau gazte hil dira autoarekin mendi-magal batean behera erorita, Kantabrian
200 metro inguruko mazela batetik erori dira, eta ibilgailuan zihoazen bidaiari guztiak hil dira, Madrilgo 21 urteko bi gizon eta bi emakume.
2025/03/15 - 11:50
Hiru lagun zauritu dira Corellan izandako istripu batean, eta gidariak delitu mailako alkohol tasa eman du
Inor ez da larri zauritu, baina Sofia Erregina ospitalean artatu behar izan dituzte.
2025/03/14 - 13:16
2 kilometroko auto-ilarak sortu dira AP-8 autobidean, Usurbilen, Irungo noranzkoan, luizi baten ondorioz
AP-8 autobidean, Usurbilen, luizia izan da, eta bi errei itxi behar izan dituzte Irungo noranzkoan.