Umeak
2025/03/07 - 21:39
Iruñeko Haur Eskoletan euskarazko 102 plaza gehiago eskainiko dituzte hiru urteko epean
Plaza berriak Mendebaldean, Printzearen Harresi eskolan eta Donibanen kartzela zaharreko orubean eraikiko den zentroan banatuko dira. Udal gobernuak eta PSNk adostu dute neurria; UPN eta PP, berriz, aurka agertu dira.
2025/03/03 - 13:41
Euskadiko 400 familia haurren obesitatea tratatzeko programa batean parte hartzen ari dira
'Mangolsen bidaia' programak jolas hezitzaile bat du ardatz, eta, besteak beste, bizi-ohiturak aldatzea du helburu. Gainera, elikaduran, jarduera fisikoan eta osasun emozionalean jokabide osasungarriak sustatu nahi ditu.
2025/02/26 - 12:21
Plentziako institutu bateko ikasleek salatu dute mezu "iraingarri, matxista eta homofoboak" jaso dituztela
Uribe Kosta BHI institutuko hainbat ikaslek salatu dutenez, ikaskide batzuek eta irakasle batek jaso dituzte mezuak. Itxuraz, ikasle batzuen ordenagailuak erabili dituzte, identitatea ordezkatuta, bidalketak egiteko. Salatzaileek zuzendaritzaren jarrera salatu dute, neurriak garaiz ez hartzeagatik.
2025/02/24 - 16:49
Zirujau ohi frantziarrak onartu egin du ia 300 adingeberi sexu-erasoak egin dizkiela
Joël Le Scouarnec zirujau izandakoak gehienez ere 20 urteko kartzela zigorra jaso dezake. Gaur egun, espetxean dago beste sexu eraso bat egiteagatik kondenatu dutelako.
2025/02/19 - 08:55
Albiste izango dira: Oiz mendiko hegazkin istripua, Emeki eskola eta Frantzisko aita santuaren osasun egoera
Gaurkoan albiste izango direnen laburpena, bi hitzetan.
2025/02/18 - 20:20
Donostiako Emeki Emeki ikastetxeko bi irakasle atxilotuak, kautelazko neurriekin aske
Bi emakumeak aske geratuko dira, baina urruntze agindua bete beharko dute. Horrela, ezin izango dira 4 urteko neskatxarengana hurbildu, haren gurasoek sexu-erasoa egin diotela salatzen baitute, ezta haren anaia bikiarengana ere, Emeki Emeki zentroko ikaslea bera.
2025/02/18 - 19:11
Familien hitzetan, irakasle atxilotuak "orain arte frogatu ez diren salaketen jomuga izan dira"
Emeki Emeki proiektuaren parte diren familiek ohar bat sinatu dute, eta justiziak “zehaztasunez eta objektibotasunez” jardungo duela sinesten dute, egoera argitzeko. Gainera, komunikabideei “erantzukizuna eta zuhurtzia” eskatu diete informazioa tratatzeko orduan.
2025/02/18 - 18:10
DBHko eta Batxilergoko gaitasun handiko 125 ikaslek parte hartuko dute ZUR-EKIN programan
Programak aukera ematen die ikasle horiei 14 aholkularik gida ditzaten, eta hainbat gaitako adituekin harremanetan jartzeko aukera ematen die, beren potentzial guztia garatu dezaten.
2025/02/17 - 20:03
DBHko ikasleek hobera egin dute gaztelaniaz, ingelesez eta zientzian, baina okerrera, euskarazko gaitasunean
Astelehenen honetan eman dira jakitera Unibertsitatez kanpoko Irakas-Sistema Ebaluatu eta Ikertzeko Erakundeak 2023ko eta 2024ko "Ebaluazio Diagnostikoen" txostenaren datu nagusiak. Era berean, 2024-2028 epean emaitzak hobetzeko estrategia aurkeztu dute.
2025/02/17 - 12:02
EAEko hiru gaztetik batek laguntza eskatu du osasun mentaleko arrazoiengatik, % 21,8k psikologoarenera jo dute
"Future Game" proiektuak EAEko gazteen osasun mentalari buruz egindako txostenaren arabera, 18-35 urteko gazteen % 24,1ek beren buruaz beste egiteko gogoa izan dute (18 eta 24 urte bitartekoen artean % 30ek), lautik bat bakarrik sentitzen da, eta, % 15, abandonatuta.
2025/02/15 - 12:11
''Hiltzeari beldur nion''
12 urterekin linfoma bat atzeman zioten Gaizkari, eta azken hilabeteotan tratamendu oso gogorra jaso ostean, sendatzeko bidean dago. Minbizia duten 15 urtetik beherako pazienteen biziraupenak gora egin du EAEn.
2025/02/15 - 11:47
Urtero 70 haur-minbizi kasu atzematen dituzte EAEn
Horregatik, Farmaprest egitasmoa jarri dute abian Gurutzetako Ospitalean, SMS bidez informazioa bidalita paziente onkologiko pediatrikoen arreta prozesua hobetzeko.
2025/02/13 - 21:25
Beisboleko entrenatzaile bat kondenatu dute Nafarroan neska jokalari adingabe bati musu emateagatik
Garrantzi txikiko sexu-eraso delitu baten egile izateagatik, isun ekonomikoa, 2.000 euroko kalte-ordaina emateko beharra, eta adingabeekin harreman erregularra eta zuzena duen edozein jardueratarako desgaikuntza berezia ezarri zaio bi urte eta erdiz.
2025/02/12 - 14:09
Ehiza legea aldatzeko proposatu dute EAJk eta PSE-EEk, ehiztariaren "laguntzailearen" figura sortzeko
Eusko Jaurlaritza sostengatzen duten alderdiek Eusko Legebiltzarrean gehiengoa dute eta aldaketa "ahalik eta lasterren" izapidetu eta onartuko da.
2025/02/12 - 08:42
Albiste izango dira: Omnibus dekretuaren behin betiko onarpena, Loiolako kuartelak eta Gazako su-etena, airean
Gaurkoan albiste izango direnen laburpena, bi hitzetan.
2025/02/10 - 18:40
Pedrosa: ''Akordio hau aspaldi landutako negoziazioen emaitza da''
Begoña Pedrosa Hezkuntza sailburuak azpimarratu duenez, Haurreskolak Partzuergoak eta LABek lortutako akordioa "oso berri ona da, haur-eskolen zerbitzua indartuko dugulako, eta etorkizunerako kalitatezko zerbitzua bermatu nahi dugulako". "Profesionalen lan-baldintzak hobetuko ditugu", erantsi du.
2025/02/10 - 14:52
Debako liburutegiaren haurrentzako ordutegi murriztua aldatzeko Eusko Jaurlaritzak esku har dezan eskatu dute
Bi urtetik beherakoek ezin dute Debako Udal Liburutegian egon, eta bi eta sei urte bitartekoak 16:30etik 17:30era soilik joan daitezke. Adinean gora eginda denbora gehiagoz egon daitezke bertan, baina ordutegi mugak 16 urtera arte aplikatzen dira.
2025/02/09 - 18:51
Gizon batek emaztea hil du Benalmadenan, seme-alaben aurrean
Ustezko hiltzailea delakoan atxilotu duten gizonak berak deitu du larrialdietara, etxean sua zutela esanez. Polizia iritsi denean, kanpoan aurkitu ditu gizona eta lau haurrak, eta barruan emakumea, hilotz. VioGen sisteman zegoen biktima duela hilabetetik, ofiziozko salaketa bat tarteko.
2025/02/06 - 19:34
Elkarretaratzea ostiral honetan Santurtzin, Peña Athletic taldeak salatu duen sexu-erasoaren aurka
Udalak deitutako protesta 12:00etan izango da, udaletxearen aurrean. Gainera, Udalak eta Berdintasun Kontseiluak bat egingo dute "mugimendu feministak deitu dezakeen elkarretaratzearekin".
2025/02/06 - 12:10
EAEko 10 nerabetik 4k eduki pornografikoa aurkitu dute sarean, bilatu gabe
Save the Children erakundeak ohartarazi duenez, hezkuntza digitala lantzea ezinbestekoa da haurrak eta nerabeak eduki kaltegarrietatik babesteko.