Bilbon 457 lanpostu sortuko dituzte, % 40 emakumeentzat
Bizkaiko hiriburuan enplegua sustatzeko asmoarekin, Eusko Jaurlaritzak eta Bilboko Udalak 5,34 milioi euro bideratuko dituzte 2015eko Bilboko Enplegu Planera. Helburua langabezian dauden 457 laguni beharra ematea da. Lan merkatura sartzeko zailtasunak dituzten taldeak lehenetsiko ditu planak; hala, sortuko diren lanpostuetatik % 40 emakumeentzat izango dira eta % 15, 55 urte gorakoentzat.
Juan Maria Aburto Bilboko alkateak eta Angel Toña Eusko Jaurlaritzako Enplegu sailburuak aurkeztu dituzte egitasmoaren xehetasunak. Azaldu dutenez, Bilboko Udalak (Bilbao Ekintza erakundearen bidez) 193 lanpostu sortuko ditu, enpresa pribatuek, 222, eta irabazi asmo gabeko erakundeek, 42.
Bi agintariek nabarmendu dutenez, ordezkari diren bi erakundeek "kezka komuna dute: enplegua sortzea eta herritarren bizi kalitatea hobetzea".
Enplegua sortzeko orduan lan merkatuan sartzeko zailtasun gehien dituzten taldeak lehenetsiko ditu Planak. Aburto alkatearen arabera, asmoa "inortxo ere atzean ez geratzea da; denek eduki dezaten lan duin eta kalitatezko bat".
Ez da izena eman behar
Langabeziak gehien kaltetutako taldeei aukera emango die. Hala, egingo diren kontratazioen % 40 emakumeei zuzenduko zaizkie (gutxienez 183 emakumeri emango diete lana) eta 55 urte gorakoak ere lehenetsiko dira, kontratuen % 15 talde honetako lagunentzat izango direlako.
Lanpostua lortzen dutenek eraikinak zaharberritzen, udal eta hiriko ekipamenduak hobetzen edota Turismo alorrean jardungo dute.
Planaren sustatzaileek jakinarazi dutenez, ez da inon izena eman behar; hori bai, honako baldintza hauek bete beharko dira: Bilboko bizilaguna izatea, langabezian eta Lanbiden izena emanda egotea eta Enplegu Zerbitzuak ezarritako talde irizpideak betetzea.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.