Langabeziak gora egin du urtarrilean, EAEn zein Nafarroan
Euskal Autonomia Erkidegoko Enplegu Zerbitzu Publikoaren bulegoetan erregistratutako datuen arabera, 2017ko urtarrilean aurreko urteko azken hilabetean baino 2.904 pertsona gehiago (% 2,13) zenbatu dituzte langabezian. Horrenbestez, guztira 139.077 lagun daude egoera horretan, Enplegu eta Gizarte Segurantza Ministerioak gaur jakitera eman duenez.
2016ko urtarrileko datuekin alderatuz gero, 15.715 langabe gutxiago daude EAEn, hau da, % 10,15eko jaitsiera izan du urtebetean, Estatuko batez bestekoaren gainetik (% 9,41).
Azterketa hori lurraldez lurralde eginda, urtarrilean 1.388 pertsona gehiago zenbatu dituzte lanik gabe Bizkaian (% 1,80); 864 gehiago, Gipuzkoan (% 2,34), eta 652 gehiago, Araban (% 2,95).
Aitzitik, 2016ko urtarrileko datuekin alderatuta, langabeen kopuruek behera egin dute: 8.267 langabe gutxiago, Bizkaian (-% 9,53); 4.782 gutxiago, Gipuzkoan (-% 11,22), eta 2.666 gutxiago, Araban (-% 10,48).
Sailburuaren iritzia
Beatriz Artolazabal Enplegu eta Gizarte Politiketako sailburuak Radio Euskadin izandako elkarrizketa batean esan duenez, langabezia datuek gora egin arren, "duela 17 urtetik hona izandako urtarrilik onena izan da".
"Hau da, joera ona da oraindik, langabezia behera egiten ari baita, baina badakigu urtarril guztietako datuak txarrak izan ohi direla Gabonetako eta merkealdiko kanpainak direla-eta egindako kontratuak murriztu edota amaitu egiten direlako", azpimarratu du Artolazabalek.
Nafarroan ere, gora
Nafarroako Foru Erkidegoan ere, gora egin du langabeziak urtarrilean (% 2,99), 1.197 lagun gehiago baitaude lanik gabe (41.242, guztira).
Urte arteko datuak aztertuta, berriz, langabezia % 8,58 jaitsi da 2016ko urtarriletik hona, 3.871 langabe gutxiago baitaude.
Espainiako Estatuari dagokionez, langabeziaren datua hazi egin da: abenduan baino 57.257 langabe zenbatu dituzte. Guztira, beraz, 3.760.231 langabe daude.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.