Iberdrola ikerketapean, argindarraren prezioa manipulatu ote zuen argitzeko
Ismael Moreno Auzitegi Nazionaleko epaileak tramitera onartu du Ustelkeriaren kontrako Fiskaltzak Iberdrolaren kontra aurkeztutako salaketa. Hala, 2013ko neguan argindar konpainiak ustez egindako iruzurra ikertuko du. Hotz bolada baliatuta, Iberdrolak argindarraren prezioa gehiegi igo zuela eta "modu bidegabean" 20 milioiko irabaziak lortu zituela uste du Fiskaltzak.
Epaileak eskatuta, Iberdrolak Bilbon eta Madrilen dituen egoitzetan izan zen atzo Guardia Zibila, informazio bila. Argindar konpainiak ukatu egin ditu leporatutakoak, eta 2013an "zuhurtziaz eta zentzuz" jokatu zuela nabarmendu du.
Ustelkeriaren kontrako Fiskaltzak Auzitegi Nazionaleko 2. zenbakiko Instrukzio Epaitegian aurkeztutako salaketaren arabera, Iberdrolak merkatuaren eta kontsumitzaileen kontrako delitua (Zigor Kodearen 281. artikuluan jasota) egin zuen 2013ko azaroaren 30etik abenduaren 23ra.
Fiskaltzak uste du Iberdrolak argindarraren prezioa puzteko sistema asmatu zuela, "eskaria eta eskaintzaren lehia askearen ondorioz suerta litekeenaz harago". Salneurria igota, 20 milioi euro irabazi zituen "modu bidegabean", horren arabera.
Aurretik ere, isun administratiboa
Zigor bidea orain abiatu badute ere, aspaldikoa da auzia, eta 2015ean 25 milioiko isuna ordaindu behar izan zuen argindar konpainiak. Energia elektrikoaren handizkarien merkatua manipulatzea egotzita, Espainiako Merkatu eta Lehia Batzordeak (CNMC, gaztelaniazko siglak) ezarri zion zigorra. Iberdrolaren jokabidea "oso larri"tzat jo zuen erakundeak. Argindar enpresak helegitea jarri zuen, eta oraindik ebatzi gabe dago. Auziaren mamia argitzen duten arte, isuna etenda dago.
CNMCk orduan azaldu zuenez, Iberdrolak hainbat mugimendu egin zituen 2013ko azaroaren 30etik abenduaren 23ra, Duero, Sil eta Tajo ibaietako zentral hidraulikoen eskaintzen prezioa garestitzeko. Hala, 2014ko lehen hiruhilekoaren enkantea egin baino aste batzuk lehenago, garestitze handiak jazo ziren handizkarien merkatuan. Ondorioz, enkantearen prezioa % 26 igo zen, eta tarifarena, % 10.
"Irregulartasunak" atzemanda (manipulaziorik ez zuen ikusi orduan CNMCk), enkantea bertan behera uztea erabaki zuen Espainiako Gobernuak, eta argindarraren prezioa ezartzeko enkantearen sistema aldatu zuen gero.
Iberdrolak dio ez duela iruzurrik egin
Argindarraren prezioa "manipulatzeko iruzurrik" egin ez duela adierazi du Iberdrolak, eta Fiskaltzak leporatutakoak ukatu ditu. Konpainiako iturrien arabera, 2013an "zuhurtziaz eta zentzuz" jokatu zuen.
Hori horrela, Auzitegi Nazionalari eta Guardia Zibilari behar duten guztian lagunduko diela baieztatu du.
Erreakzioak
Argindar enpresa ikerketapean dagoela eta, Iberdrolari Bilbotar Ospetsu izendapena kentzea eskatu dio gaur EH Bilduk Udalari.
Alba Fatuarte koalizioko zinegotziak ohar batean adierazi duenez, izendapena "Bilboren izen onaren eta bilbotarren interesen alde egiten duten pertsona edo erakundeei eman ohi zaie. Irabaziak lortzeko neguko egun hotzetan argindarraren prezioa manipulatzea ez da, inolaz ere, bilbotarren interesak defendatzea".
Bestalde, FACUA kontsumitzaileen elkartea "pozik" agertu da Iberdrola ikertzen ari direlako. Izan ere, FACUAk gogorarazi duenez, 2015ean Bizkaiko Lurralde Auzitegian salatu zuten argindar konpainia, baina Fiskaltzak artxibatu egin zuen auzia.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.