AHTaren obrak 2018an abiaraztea eskaini zion Ayerdik Sustapen Ministerioari
Nafarroako Gobernuak Abiadura Handiko Trenaren harira egindako azken proposamena atzera botatzeko Sustapen Ministerioak erabili dituen argudioak "faltsuak" direla salatu du Manu Ayerdi Garapen Ekonomikorako presidenteordeak.
Atzo gauean eman zuen Sustapen Ministerioak bere erabakiaren berri. Nafarroako Gobernuaren planteamendua onartezintzat jo zuen, AHTaren proiektua aurten esleitzea eta lanak 2018an hastea bermatzen ez zuela argudiatuta.
Ayerdik agerraldia egin du gaur, eta "haserre" agertu da Espainiako Gobernuak bart zabaldutako oharraz aritzeko. Sustapen Ministerioak egia ez diola, eta proposamen horri esker AHTaren lanak 2018an abiaraztea posible izango litzatekeela azpimarratu du.
Nafarroako Gobernuak ez du AHTari buruzko hitzarmen berria sinatu nahi, Itun Ekonomikoaren akordioa itxita egon gabe.
Beraz, AHTa egiteko Nafarroak aurreratu beharko lukeen dirua Itun Ekonomikotik deskontatzeko aukera eman dio Foru Gobernuak Sustapen Ministerioari.
Horrenbestez, Itun Ekonomiko berria adostu bitartean, AHTari buruzko 2010eko hitzarmenean eranskin batzuk gehitzea proposatu zion atzo Foru Gobernuak Sustapen Ministerioari.
Eranskin horien arabera, Nafarroak Espainiako Gobernuaren esku utziko luke bigarren eta hirugarren trenbide zatiak eraikitzeko ardura.
Castejon eta Campanas arteko ibilbideari dagokionez, Adifen esku geratuko litzateke lanak esleitzea, kontratuak egitea eta desjabetzeak gauzatzea.
gauzatzea.Zure interesekoa izan daiteke
KPIa % 4,5 igo da abuztuan Euskadin eta % 4,2 Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da, %2,9an dago, aurreko hilean baino hamarren bat apalagoa da.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.