Bergarako lantegian behargin kopurua murriztea planteatu du Arcelorrek
Lantegiaren lehiakortasuna bermatzeko “berrantolaketa” bat egiteko beharra planteatu die Arcelor Mittal multinazionaleko zuzendaritzak Bergarako (Gipuzkoa) fabrikako langileei. Litekeena da langile kopurua murriztea.
ELA sindikatuak agiri batean azaldu duenez, “Bergarako fabrikan lanpostuak berriz murrizteko” asmoa azaldu zion atzo siderurgia multinazionaleko zuzendaritzak enpresa-batzordeari.
Enpresako iturriek jakitera eman dutenez, enpresa-batzordearekin bilerak iragan uztailean hasi ziren. Lantegiaren “bideragarritasuna sendotzeko antolakuntzan aldaketak egitea beharrezkoa” dela uste du zuzendaritzak. Olaberriako lantegiak ekoitzitako altzairuarekin eraikuntza sektorerako produktuak egiten dituzte Bergaran.
Urriak 24: kontsulta epea
Lanpostuak egokitzeko, neurriak adosteko kontsulta epe bati hasiera emango dio enpresak urriaren 24an, multinazionaleko iturriek jakinarazi duenez. 150 langile ditu Bergarako fabrikak.
ELAren hitzetan, logistika kanpora eramateko aukera planteatu du enpresak, edo bestela, langileen aurretiko erretiroa.
“Itxiera”
Multinazionalak lantegia bereganatu zuenetik “enpresarekin konpromiso bat azaltzeko inbertsiorik egin ez” duela kritikatu du ELAk. Orduz geroztik, “langile kopuruak behera egin du etengabe”, erantsi du sindikatuak.
“Lanean ari direnen batez besteko adinak Arcelor Mittalen helburu argia agerian uzten du: urte gutxi barru lantegia ixtea”, gaineratu du ELAk.
Kritikak Eusko Jaurlaritzari
ELAk Eusko Jaurlaritzaren aurka egin du, “patronalen eta enpresen aurrean belaunikatzen ari delako, trukean konpromisorik gabeko diru-laguntzak ematen dituelako”.
“Arcelor Mittal Euskal Herriko industria galeraren eragile izaten ari da, bitartean Arantxa Tapia sailburuak ez du enpresari babesa emateko batere arazorik, bere lantegiak bisitatuz, aurten egin bezala”, deitoratu du ELAk.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.