Soldatak igotzeko esfortzu bat eskatu die Urkulluk enpresei
Giza baliabideen ordaina “egokitzeko” prozesua sendotzeko, “esfortzu bat” eskatu die gaur Iñigo Urkullu lehendakariak enpresaburuei, nahiz eta enpresa askok dagoeneko egin dutela onartu.
Lehiakortasunerako “giza faktorea funtsezkoa” dela adierazi du Urkulluk Bilbon, Cebek Bizkaiko patronalaren batzar nagusiari begira antolatutako bazkari batean. Zentzu horretan, soldaten igoera prozesuak jarraipena izan behar duela esan du agintariak.
Lehendakariaren ahotan, “enpleguaren kalitatea hobetzeak eta aldi baterako kontratuak mugagabe bihurtzeak enpresa proiektu komuna denaren ideia sendotzeko balio dute”.
Bestalde, hiruko elkarrizketarekin bat egiteko eta batez ere, gizarte-elkarrizketa mahaian parte hartzeko eskatu die lehendakariak sindikatu “guztiei”.
Legealdi honetan, Euskadiko langabezia-tasa % 10aren azpitik kokatzeko konpromisoa berretsi du Urkulluk, 37.000 afiliatu gehiagok Gizarte Segurantzan izena emanez.
Bestalde, Eusko Jaurlaritzak enpresaburuen elkarteekin Akordio Marko bat sinatu zuela gogorarazi du Urkulluk, “enplegu gehiago eta hobea erronkari aurre egiteko”. “2020an enpresek 100.000 pertsona beharko dituzte, eta herri honek erantzun behar du”, adierazi du.
“Hazkundea sendotzeko eta enplegu aukerak sortzen jarraitzeko, erakundeen egonkortasuna bermatzeko” erronkan bat egin zutela gogorarazi du EAEko buruzagiak. “Hori da gorde nahi dugun guztien ona. Indarrak batu, gehitu behar dugu: lankidetza. Gure kulturaren kontzeptu tradizional bat aplikatzea da: 'auzolana', guztien ona bilatuz batera lan egin”, erantsi du.
Euskadik “haizea alde du”, defendatu du Urkulluk, “aurrera doa eta lanpostuak sortzen ditu”. EAEk azken krisia atzean utzi duela azpimarratu du, eta BPG “etengabe hazi da 17 hiruhileko jarraian”. 2018an eta 2019an % 2,6ko eta % 2,2ko hazkundeak espero dira, hurrenez hurren.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.