Hezkuntza Sailaren parte-hartzea eskatu dute sindikatuek lan-gatazkari aurre egiteko
ELA, Steilas, CCOO, LAB eta UGT sindikatuek Eusko Jaurlaritzaren inplikazioa eskatu dute gizarte ekimeneko itunpeko ikastetxeetako irakasleen lan-gatazkari irtenbidea bilatzen laguntzeko.
Irakasleok manifestazioa egin dute astearte honetan, Gasteizen, bosgarren greba egunean. Guztira, zortzi dira langileek lan-hitzarmenaren hobekuntzaren alde azken deialdian deitutako greba egunak.Miren Zubizarreta (ELA) sindikatu guztien ordezkari gisa jakitera eman duenez, langileen aldarrikapenei irtenbideak eta erantzunak ematearen erantzule "nagusia" patronala da, baina Eusko Jaurlaritzak ere "erantzukizuna baduela" esan du.
Zubizarretaren esanetan, Eusko Jaurlaritza da, azken finean, "hezkuntza sistema egun ezagutzen dugun bezala antolatua egotearen arduraduna; eta, hura da itunpeko irakaskuntzari azpikontratatu merke baten funtzioa eman dionak".
Sindikatuen ustez, itunpeko sarean eskaintzen den hezkuntzaren "kalitatearen inguruko kontrola" izan beharko luke Eusko Jaurlaritzak; are gehiago, "patronalek dioten bezala langileen aldarrikapenei erantzuteko gaitasuna ez badute, Jaurlaritzak lan-gatazkan esku hartu beharko du".
Zubizarretaren hitzetan, ikastetxeetako langileek badakite "gatazkari aurre egiteko bidea luzea eta gogorra izango dela".
Gaurko grebaren jarraipenaren harira, sindikatuek esan dute gaurko grebak aurreko egunetakoek izan duten antzeko jarraipena (% 60 eta % 65 artekoa) izan duela. Hala ere, patronalarekin zifren inguruko norgehiagokan hasi nahi ez dutela gaineratu dute.
Kistau Eskolak jakitera eman duenez, langileen % 22k jarraitu dute bosgarren greba eguna. Datuak lurraldez lurralde aztertuta, langileen % 23k jarraitu dute greba Araban; % 29k, Bizkaian, eta %11k, Gipuzkoan.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.