Torra, aurrekontuak negoziatzeko prest: 'Gure baldintzak ezagutzen dituzte'
Quim Torra Generalitateko presidentea prest agertu da Pedro Sanchezen Gobernuak 2019rako aurkeztu dituen aurrekontuak negoziatzen jarraitzeko, joan den astean Carmen Calvo Espainiako presidenteordeak independentistekin harremanak etenda zeudela jakinarazi arren. Hori bai, Torrak argi eta garbi esan du zeintzuk diren euren "gutxieneko baldintzak": errelatore figura onartzea, erabakitzeko eskubideaz hitz egiten hastea eta errepresioa amaitzea. "Ez dugu aurrekontuen tramitazioa ahalbidetuko, erabakitzeko eskubidearen ariketaz hitz egiten hasten ez bagara", zehaztu du.
ERCk eta PDeCATek osoko zuzenketak aurkeztu dizkiete sozialisten kontuei, baina Torrak ez dio aterik itxi negoziatzen jarraitzeari, Catalunya Radion goizean egin dioten elkarrizketan. "Gure baldintzak ezagutzen dituzte", esan du.
"Kataluniaren erabakitzeko eskubidetik abiatuta hitz egin nahi dugu. Azken zortzi hilabeteotan Espainiako Gobernuak ez digu jakinarazi zein den Kataluniarako duen proposamena", gaineratu du.
Bestalde, Torrak gogor salatu du Sanchezen Gobernuak aurrekontuen tramitazioa baldintzatzat jarri izana, alderdi independentistekin hitz egiten jarraitzeko.
"Behingoz", elkarrizketari ekiteko eta "proposamen bat paperean" jartzeko eskatu dio Torrak Espainiako presidenteari. Horretarako, "egutegi bat" zehazteko ere esan dio.
Generalitateko presidentearen aburuz, "oraindik" ez dakite Sanchezek Kataluniako herriarentzat duen asmoa zein den: "Zer esan nahi du Estatut berriak? Zeintzuk dira izango genituzkeen eskumenak? Xehetasun horiek guztiak nahi ditugu", esan dio Sanchezi.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.